2 KORINT 7:9 - AMÜSÜH HÜM CL Bible (BSI)

⁹ Nüsa mulong tukthsükhinü yung, tüshe nüsa mulong tukthsükhinü mulong müthrikhi thsungkheak I asühchoh; tümüde Thrünpuh lümkhi yande nüsanü mulong tukthsü, junangde isa hode nüsa akeangkeang ching müthsünü.

2 KORINT 7:9 Iomraidhean Croise

MUNGSHIKHÜN 38:18

Tümüde inü I mülimkhi thakhitbah; inü I neak dünkheak thsünübah.

T H S AN GYU T H S AN GR ARÜ 7:3

Mulong tukthsükhi ju keangrümünekhi kheaknü atsübe, junü nü miro masühshihpü kuklah, tüshe nü anikhitkhi züpzüpshihchoh.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 3:8

Jumonü mulong müthrikhi thülünde aso asoang,

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

LUKNÜ ATHRÜTKHI THIYUSHEAK-ATSÜ HUHTANYU 15:7

Inü nüsa ki thachoh, junangde mulong müthripü yihnüpü mülakhi thiyuro-lungki mihtsürü 99 kheaknü aneakrü mulong müthrikhi 1 kurungkheak yinmi ching alü asühachihkhi labah.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 2:16

Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla?

2 KORINT 7:8

I yo kihümnü nüsa mulong tukthsüshih-a lalashe inü mülümrhihlo (lüma lalashe), tümüde ju kihümnü anükhühkheak lang thsüthsü she nüsa mulong tukthsüshihkhi inü ngüdo.