2 KORINT 7:7 - AMÜSÜH HÜM CL Bible (BSI)

⁷ tüsho api arükhinü lang yung, tüshe nüsanü api kilim mulong shukheam jihkhinü she ah. Nüsanü I mürheangkhi, sükde nüsa mulong rozhakkhi, nüsanü mulongsahde lümrhihkhi isa ki thado, junangde inü alü thsüde asüh.

2 KORINT 7:7 Iomraidhean Croise

MUNGSHIKHÜN 141:5

Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 38:18

Tümüde inü I mülimkhi thakhitbah; inü I neak dünkheak thsünübah.

MUNGSHIKHÜN 51:1

O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MATHI 26:75

Tüsho Jisunü api ki thakhi yu Peternü lümkhit, “Thunu mukhungyide nünü mahsam ki I malokhide alabah.”

MATHI 5:4

Mitriprübo asühpü, tümüde arübo mulong shukheambah.

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

ROMRÜ KILIM PAULNÜ ATHRÜTKHI KIHÜM HUHTANYU 1:12

junangde isabo akin hode nüsa tüsho I yanmusuachihbah.

1 KORINT 5:2

Tüsho nüsa kükheanglah. Nüsanü ju müthri tüzhobe yung de? Nüsa bolung shepünü ha rhimokheanü yihkhita bahang.

2 KORINT 1:14

nüsanü chamkhüh anikhitkhi nangde, Atungpuh Jisu nimung ching isanü nüsa dünkheak nangde, nüsanü isa dünkheak kükheangbah.

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

2 KORINT 2:9

Hamonü nüsanü lüpdükhi ching mihyuanila shi yungnü rükakheahpü tüsho amükheahpü inü thrüt.

2 KORINT 5:2

Tüsho yinmi ching yo thüyam isa kheak phukihpü khide künsahde isa mulong dukchoh,

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

2 KORINT 7:8

I yo kihümnü nüsa mulong tukthsüshih-a lalashe inü mülümrhihlo (lüma lalashe), tümüde ju kihümnü anükhühkheak lang thsüthsü she nüsa mulong tukthsüshihkhi inü ngüdo.

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

KOLOSI 2:5

Tümütüsho pangnü I mülalashe, me ching I nüsa lung lade, nüsa tsüde alakhi tüsho Khrista ching nüsa akin düküngkhi asühde kheahchoh.

1 TESALONIKA 3:6

Tüshe kheakü nüsa kilimnü nüsa akin tüsho amuzho yusheak atsü lubah Timothi isa kilim arü tüsho kamruhroro nüsanü isa muzhode lümkhitchoh tüsho isanü nüsa shorupü mulong dukkhi nangde isa shorupü künlah de thiyusheak jihdo.

1 TESALONIKA 3:8

tümüde kheakü isa lah, tümütüsho nüsanü Atungpuh kheak düküngde zhiplah.

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

JAKOB 5:17

Elija ju isa nangde mihtsürü lakheah tüsho tsüng marüshihpü apinü shuhmülanga jihde tamkhüntamnü, tüsho kam mahsam kheak khinu thuruk alomi ching tsüng marü.

2 JOHAN 1:4

Abuhnü isa ki thiyukhüm jihkhi nangde, nü tsührü khürü thiyuro ching yande ngübah I khide asühdo.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.