2 KORINT 7:13 - AMÜSÜH HÜM CL Bible (BSI)

¹³ Jumonü isa mulong shukheam lah. Tüsho isa mulong shukheamkhi kheak khiode Tita asühkhi ching isanü alü asühachihchoh, tümütüsho nüsa alalanü api lümkhi sühakhimshih.

2 KORINT 7:13 Iomraidhean Croise

ROMRÜ KILIM PAULNÜ ATHRÜTKHI KIHÜM HUHTANYU 12:15

Asühachihrü lung asühachihang, atriprü lung tripang.

ROMRÜ KILIM PAULNÜ ATHRÜTKHI KIHÜM HUHTANYU 15:32

junangde Thrünpuh lümkhi hode I nüsa kilim asühde arübah tüsho nüsa lung bekhi ching reangzahbah.

1 KORINT 12:26

Achamnak khülang thsünüsho, alala rukhüh thsünüchoh; achamnak khülang wüntre jihsho, alala rukhüh asühachihchoh.

1 KORINT 16:13

Kurhangang, akin ching düküngde zhipang, mulong toang, reangzahang.

1 KORINT 16:18

Tümütüsho arünü I tüsho nüsa me reangzahshih. Hadürü mihtsürü mükheahpü athülün lah.

2 KORINT 2:13

tüsho I me ching sühakhim mülade alakheah, tümütüsho inü ju ching isa keoniorü Tita müngü. Jumonü inü arü kheaknü chamachihbah Macedonia lim yü.

2 KORINT 2:3

I asühshihpü larünü I mulong mutukthsüshihbeah de lümbah inü thrütdo, tümüde I asühkhi ju nüsa alala asühkhi labah de nüsa alala kheak mulonglam lah.

2 KORINT 7:14

Tümüde inü nüsa dünkheak api ki kükheangkhi ching nüsanü I achih müngüshih; tüshe isanü nüsa ki thakhi lüpdükhi thiyuro lakhi nangde, Tita miki isanü kükheangkhi thiyuro mütsando.

2 KORINT 7:15

Tüsho nüsa alalanü mihyuanide, trede tüsho ajande api leangkhikhi lümkhitchoki apinü nüsa muzhokhi atobe kamchoh.

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

FILIPI 2:28

Jumonü api thiyipü inü alü thsüde mulonglah, junangde nüsanü api ngülochoki asühachihbah tüsho I mulong sansan nükde alabah.

2 TIMOTHI 1:16

I alochode reangzahshihkhi thsungkheak Onesiphora yamkhün kilim Thrünpuhnü mihmüthsüm jihshang; I rihyam ching lakhi apinü machih,

PHILEMON 1:20

Am, keoniorü, Atungpuh lung inü nü kilimnü alü thsükhi khürü lunelah. Khrista ching I mulong rhüngrhüngshang.

PHILEMON 1:7

Keoniorü, inü nü muzho chingnü khide asühpü tüsho mulong shukheam ngüdo, tümütüsho nüsa hode akinrübo mulong rhüngrhüngde kamloshihdo.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.