2 KORINT 7:10 - AMÜSÜH HÜM CL Bible (BSI)

¹⁰ Tümüde Thrünpuh lümkhi yande mulong tukthsükhinü akhümkhit lim bepü mulong müthri akhiukshihchoh tüsho tümü mülümalo, tüshe alomi yande mulong tukthsükhinü ashepü akhiukshihchoh.

2 KORINT 7:10 Iomraidhean Croise

THRÜNTAN 30:1

Küyimki Rachelnü Jakob kilim tsührü müzübejihkheanü anihbenü achi lungkhangde kam, tüsho Jakob ki tha, “I kilim tsührübo zübeshang, jude yungsho I ashebah!”

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 SAMUEL 13:4

Apinü anihbuh ki tha, “O kiulongthsüpuh tsührü, tümüde nü a yapsu abande pheakmulukdo la? Nünü I ki müthaba de?” Amnonnü api ki tha, “Inü I khiung Absalom niurü Tamar muzholah.”

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

1 KIULONG THSÜRÜ 21:4

Jezreelrü Nabothnü api ki thakhi dünkheaknü Ahabnü abukakhiukde tüsho mulong zhipzhipde thüyam lim yü; tümüde apinü tha, “Isa jipürü yamrüplurüp inü nü müjih.” Apinü ayapkiu kheak yapbah api miro anguhabah, tüsho müyimtsüh.

MUNGSHIKHÜN 38:18

Tümüde inü I mülimkhi thakhitbah; inü I neak dünkheak thsünübah.

MÜCHITMUDU 15:13

Asühkhi mulongnü miro yinshihchoh, tüshe mulong rozhakkhinü me thsümünimchoh.

MÜCHITMUDU 15:15

Zhochihrü nimungbo alala chipde lah, tüshe asühkhi mihtsürü a kamruhroro rhangdung reangkeamde lah.

MÜCHITMUDU 17:22

Asühkhi mulong ju moli atsü ah, tüshe athsümünimkhi menü robo kungshihchoh.

MÜCHITMUDU 18:14

Tukthsüde alachoki mihtsürü ju menü alashihbah, tüshe me thsümünimsho shepünü arümkhukba?

T H S AN GYU T H S AN GR ARÜ 7:3

Mulong tukthsükhi ju keangrümünekhi kheaknü atsübe, junü nü miro masühshihpü kuklah, tüshe nü anikhitkhi züpzüpshihchoh.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

EZEKIEL 7:16

Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah.

JONA 3:10

Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.

JONA 3:8

Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah.

JONA 4:9

Tüshe Thrünpuhnü Jona ki tha, “Sangrung dünkheaknü nü bukakhiukpü alim la de?” Tüsho apinü alo, “Am, ashepü bukakhiukchoh.”

MATHI 26:75

Tüsho Jisunü api ki thakhi yu Peternü lümkhit, “Thunu mukhungyide nünü mahsam ki I malokhide alabah.”

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 18:13

Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

2 KORINT 7:9

Nüsa mulong tukthsükhinü yung, tüshe nüsa mulong tukthsükhinü mulong müthrikhi thsungkheak I asühchoh; tümüde Thrünpuh lümkhi yande nüsanü mulong tukthsü, junangde isa hode nüsa akeangkeang ching müthsünü.

IBRI 12:17

Tümüde ju dunglim apinü müngühmühi yamrüplurüp lupü künchoki api bahyukkhi nüsanü mükheahlah, tümüde apinü chike bukde yimyim she mulong müthripü kim müngüdebah.

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.