2 KORINT 7:1 - AMÜSÜH HÜM CL Bible (BSI)

¹ Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

2 KORINT 7:1 Iomraidhean Croise

2 KIUTHSÜYUKHEAN 19:9

Apinü arü ki thiyukhüm jihde tha: “Nüsanü hanangde Atungpuh trekhi ching, thiyuro ching, tüsho nü mulong athrünkhinü arhimobah:

MUNGSHIKHÜN 119:9

Küde thsah athunu mihtsürü khülangnü nihbuh limro müsühkhitkhukba? Nü yukhüm mihyuanikhi yande alabah.

MUNGSHIKHÜN 19:9

Atungpuh trekhi ju atsangkhit, lünnü lah; Atungpuh mahkhapkhibo ju alungki, tüsho thiyuro-lungki ah.

MUNGSHIKHÜN 51:10

O Thrünpuh, I kheak mulong amüsüh khülang thrünjang, tüsho I kheak thiyuro me aso kamshang.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 20:9

“ Inü I mulong müsühde kamshihdo, I neak chingnü I a tsangkhitlah” de shenü thakhukla?

MÜCHITMUDU 30:12

Mihtsürü khürü arü nihbuh tsangkhitlah de alümrü lah tüshe arü müneankhi müsüh-a mübah.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

T H S AN GYU T H S AN GR ARÜ 11:10

Jumonü, nü mulong chingnü mulong rozhak bahang, tüsho nü pang chingnü thsünü tsoshang; tümüde azürü tüsho athunu rhangdung akeangkeang.

ISAIA 1:16

Nüsa müsühang; nüsa müsühde kamang; nüsanü amütsü rhimokhibo I mük kinü yihkhita bahang; amütsü rhimo arün thsang,

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

LEVI 13:58

Apinü kukruk ju müsühabahbahle areak kheamsho, apinü müsühloa bahbah, tüsho ha amüsüh labah.

MATHI 12:33

“Sangdung ju atsü thsüsho aso atsü labah, yungsho sangdung ju amütsü thsüsho aso amütsü labah; tümüde sangdung khülang ju asonü mütsanchoh.

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

MATHI 5:8

Mulong müsühde alarübo asühpü, tümüde arünü Thrünpuh ngübah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

ROMRÜ KILIM PAULNÜ ATHRÜTKHI KIHÜM HUHTANYU 5:20

Alakmihkhi alü kamshihpü yakzan arü, tüshe küching neak alü kamchonü mihmüthsüm alü kamchoh,

1 KORINT 6:20

nüsa ju amo jihbah athulokheah. Jumonü nüsa pang ching Thrünpuh müretahshang.

2 KORINT 1:20

Tümüde Thrünpuhnü alokhikhi alala api kheak “Am” ngüchoh. Jumonü isanü api hode Thrünpuh müretahpü lim “Amen” de thachoh.

EFISIA 2:3

harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

1 TESALONIKA 4:7

Tümüde Thrünpuhnü mümüsühde alapü yungde amüsüh ching lapü isa jikheah.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;

IBRI 4:1

Jumonü, api sühakhim ching yüzahpü alokhikhi lale, nüsa she lang she mülakphahpü thsüde isanü kümkanganü.

IBRI 6:9

Amuzho müyamrübo, isanü hanangde thaa lalashe, nüsa akhümkhit müngühmühi atsübe lakhi nüsa dünkheak mulongram lah.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

1 PETER 1:15

tüshe nüsa jibuh amüsüh a le, nüsa rhimo alala ching amüsüh laang;

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.