2 KORINT 6:8 - AMÜSÜH HÜM CL Bible (BSI)

⁸ wüntre tüsho wüntre mülakhi ching, isa mükhemükim tüsho shijih. Isa akeangyu tharü khejih, tüshe thiyuro lah;

2 KORINT 6:8 Iomraidhean Croise

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 22:16

Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

MATHI 27:63

tüsho tha, “Atobuh, api arhang lachoki, mülapmüjibuhnü athakhi isanü lümkhitchoh, ‘Nimung mahsam dunglim I asürübah.’

MARK 12:14

Küyimki arübo arükhea, arünü api ki tha, “Thsangyurü, nü a thiyuro tüsho nünü mihtsürü kheyuka müla, tüshe thiyuro ching Thrünpuh limro thsangyuchoh de isanü mükheahlah. Isanü Kaesar kilim ruk jihpü yakzan la shi müla?

JOHAN 7:12

Tüsho mihtsürü bolung api dünkheak khide phiphirarakhi lakheah. Khürünü tha, “Api tsülah”; püpürünü tha, “Yung, apinü mihtsürü rükakichoh.”

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

YUNIRÜBO RHIMO 16:39

jumonü arünü arübah ane ki neak kheang, tüsho arünü ane bekhitbah kiuto bahbah atsopü tha.

YUNIRÜBO RHIMO 22:12

“Ju kiuto ching akin ching mulong jihde isa yakzan mihyuanikhi mihtsürü ju ching lakhi Jihudarü alalanü wüntre jihkhi amung Anania,

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”

YUNIRÜBO RHIMO 4:21

Jumonü küyimki arünü ane müzünkheanü ane thsümüchipü limro müyimkhitde mihtsürübo dünkheaknü ane tsoshih tümütüsho anenü arhimokhi alala thsungkheak arü alalanü Thrünpuh müretah.

YUNIRÜBO RHIMO 5:13

Püpürü shenü she arü lung bepü mümürang, tüshe mihtsürübonü arü ki khide wüntre jih.

YUNIRÜBO RHIMO 6:3

Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

ROMRÜ KILIM PAULNÜ ATHRÜTKHI KIHÜM HUHTANYU 3:8

Dale tüsho, “Atsü arüpü thsungkheak isanü amütsü rhimoanü” de isanü tümüde müthapü? Mihtsürü khürünü hadürü thade I mükhemükimdo! Arü thülünde abahyukbah.

2 KORINT 1:18

Atsütsü Thrünpuh ju thiyuro lakhinü, nüsa kilim isa yu “Am” tüsho “Yung” de mülakheah.

2 KORINT 11:21

Ju thsungkheak isa khide reangmüzah de I achihbe thsüde inü thachoh! Tüshe khürünü tümüpürü dünkheak kükheangpü mürangchonü, inü she ju dünkheak kükheangpü mürangchoh de makharü khülang nangde thachoh.

2 KORINT 12:16

Nüsa ki hahmülang müjih de nüsanü amulongbah. Tüshe inü rük thsüde nüsa mülapyukdo de nüsa khürünü thachoh!

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

1 TESALONIKA 2:3

Tümüde isanü amushukhi ju alakmihkhi yungsho mümüsühkhi, yungsho rük thsüde yung;

1 TIMOTHI 3:7

api ju aleangkheakrünü tsülah dükhi labeah, jude yungsho api mungchih tüsho amünean zheang ching keamyukbah.

1 TIMOTHI 4:10

Isanü mürangde rhimodo, tümütüsho isanü akinrü mihtsürü alala khümkhitrü, arhang Thrünpuh kheak isa mulonglam zo.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.

3 JOHAN 1:12

Demetria a mihbüm abannü, tüsho thiyuronü thiyumütsan lah; inü she api thiyumütsan jihchoh, tüsho I yumütsan thiyuro ah de nünü mükheahlah.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.