2 KORINT 6:6 - AMÜSÜH HÜM CL Bible (BSI)

⁶ atsangkhitkhi, mükheahmudu, arorikhi, amuzho, Amüsüh Me, atsütsü amuzho,

2 KORINT 6:6 Iomraidhean Croise

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 13:4

Amuzho ju arümkheam tüsho lümrhihkhi; amuzho ju mükthsü yungsho lülüshishi yung;

1 KORINT 2:16

“Tümütüsho api ki thanakpü thsüde shepünü Atungpuh lümkhi mükheah de?” Tüshe isa a Khrista lümkhi lah.

1 KORINT 2:4

tüsho I yu thakhi le I yusheak ju thiyu-ake tüsho lümlung yu chingnü yung, tüshe Me tüsho wu huhpü lakheah,

2 KORINT 1:23

Nüsa muzhokhinü I nüsa kilim Korint ching alode marü de I yumütsan thsüde inü Thrünpuh jichoh.

2 KORINT 11:11

Inü nüsa mümuzhomonü ha thacho de? Inü muzholah de Thrünpuhnü mükheahlah!

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

2 KORINT 11:6

I athapü ching müzükhita lalashe, I amükheah lah; isanü ha limro aban nüsa kilim mütsandü lang huhdo.

2 KORINT 12:15

Nüsa me thsungkheaknü inü asühde bahzübahdobah tüsho I she shuhmülanga jihbah. Inü nüsa khide muzhosho, I a nükde amuzhoba de?

2 KORINT 13:10

Küyimki I arübanü, athokheampü yungde athsükihpü Atungpuhnü I kilim jihkhi thiyukhüm-sühmüh ahorikhi ching inü mümüküppü thsüde I nüsa kheaknü limshude alachoki inü ha thrütchoh.

2 KORINT 2:10

Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah,

2 KORINT 2:4

Tümüde inü nüsa kilim lümthsünü ato tüsho mulong thsünü ching tüsho chikebo bede athrütkhi ju nüsa mulong tukthsüshipü yung tüshe nüsa thsungkheak I amuzho tokhi nüsanü mükheahshihpü ah.

2 KORINT 3:3

tüsho nüsa ju isanü tankihkhi chingnü, dokenü yungde arhang Thrünpuh Menü, lungbeakbo kheak yungde mihtsürü mulongbo kheak thrütkhi Khrista kilimnü kihüm ah de nüsanü huhchoh.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

2 KORINT 7:2

Isa kilim nüsa mulongbo khimshuhang; isanü she ki amülim müthsü, isanü she ki müthsümünim, isanü she ki mülapyukde mürhimo.

GALATIA 3:2

Inü nüsa kilimnü ha lang anikhitnelah: Nüsanü yakzan anide arhimokhinü Me leangkhikhea shi, dashi nüsanü asokhi kinkhinü a?

GALATIA 3:5

Nüsanü yakzan anide arhimokhi hode Thrünpuhnü nüsa kilim api Me jihbah nüsa bolung khinthiyinbe rhimokhea shi, dashi nüsanü asokhi kinmonü a?

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 3:4

Küyimki nüsanü ha khebanü Khrista aramyu ching I lümkhi nüsanü amükheahbah,

EFISIA 4:2

azhihayihde tüsho tsüyihde, arümkheamde, amuzho ching khülangnü khülang arümkheamachihde,

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 2:3

Api kheak lümlung tüsho mükheahmudu rahpung alala rama lah.

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

1 TESALONIKA 2:10

Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

1 TIMOTHI 5:2

azoberübo ki berübo nangde, akheamrü aliberübo ki niurübo nangde, alala atsangkhitkhi ching rhimoang.

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

TITA 2:7

Lüpdükhi ching atsü rhimode arü ki amütsan huhang. Nü thsangyukhi ching thiyuro mulong jihkhi

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.

MAHKHAPRÜ 16:15

Judüki alibenü api ki tha, “Nü mulong I kheak mülade, küde thsah nünü, ‘Inü nü muzholah,’ de athapü? Nünü I ki mahsam ki keangrüdo, tüsho nü sühmüh ato küching lanü mütha.”