2 KORINT 6:10 - AMÜSÜH HÜM CL Bible (BSI)

¹⁰ mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

2 KORINT 6:10 Iomraidhean Croise

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 13:7

Khürünü nihbuh zangrü alarü khea luchoh, tütüshe tümü müla; tüsho khürünü nihbuh zangrü zhochihrü khea luchoh, tütüshe lakhit ato lah.

MÜCHITMUDU 16:16

Suna kheaknü lümlung ngükhi küdükhüh she atsü! Tüsho shotoyinchi kheaknü anikhitkhi ngüpü mokhitbeah.

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

MATHI 5:4

Mitriprübo asühpü, tümüde arübo mulong shukheambah.

LUKNÜ ATHRÜTKHI THIYUSHEAK-ATSÜ HUHTANYU 6:21

Nüsa kheakü khümde alarübo asühpü, tümüde nüsa bukthsübah. Nüsa kheakü tripde alarübo asühpü, tümüde nüsa amünebah.

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.

YUNIRÜBO RHIMO 16:25

Tüshe tsüngphulung ching Paul le Sila büne Thrünpuh ki tamkhüntamnüde tüsho khün thsüde alakheah, tüsho aramrübonü ane ki anide alakheah,

YUNIRÜBO RHIMO 3:6

Tüshe Peternü tha, “I a shotoyinchi tüsho suna müla, tüshe I tümü lanü inü nü kilim jihchoh; Nazarethrü Jisu mung chingnü tsahang.”

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 11:12

Kheakü arünü alakmihkhi alomi thsungkheak lakhitbo kamsho tüsho arü mukukzamkhi khiungkerü lakhitbo kamsho, arü alala kheyuksho küdükhüh alü laba!

ROMRÜ KILIM PAULNÜ ATHRÜTKHI KIHÜM HUHTANYU 12:15

Asühachihrü lung asühachihang, atriprü lung tripang.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

ROMRÜ KILIM PAULNÜ ATHRÜTKHI KIHÜM HUHTANYU 9:2

junangde I mulong ching mulong rozhak ato tüsho mükheamkhi thsünü lah.

1 KORINT 1:5

Tümüde Khrista lung arihkhi ching, thiyutha tüsho mükheahmudu bede lüpdükhi ching nüsa alarü kamdo.

2 KORINT 2:4

Tümüde inü nüsa kilim lümthsünü ato tüsho mulong thsünü ching tüsho chikebo bede athrütkhi ju nüsa mulong tukthsüshipü yung tüshe nüsa thsungkheak I amuzho tokhi nüsanü mükheahshihpü ah.

2 KORINT 4:15

Ha alala nüsa alü thsüpü thsungkheak ah, junangde mihtsürü alü alü khiungkhi amüthsümnü Thrünpuh müretah kilim makshe jihshihpü hihde akamshihbah.

2 KORINT 4:7

Tüshe ato wu ju isa yungde Thrünpuh yo ah de ahuhpü ha rahpung alo phüh ching lah.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

FILIPI 4:4

Atungpuh lung kamruhroro asühang; inü thalochoh, asühang.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

1 TESALONIKA 1:6

Nüsa ju isa tüsho Atungpuh kheahkhirü kamdo, tümüde nüsa thsünü ching lachoki Amüsüh Menü asühshihde thiyusheak leangkhi;

1 TESALONIKA 5:16

Kamruhroro asühachihang,

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

IBRI 10:34

Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah,

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

1 PETER 4:13

Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah,

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.