2 KORINT 5:9 - AMÜSÜH HÜM CL Bible (BSI)

⁹ Jumonü isa thüyam ching yungsho chamkhibah lalashe, isanü api asühshihpü mükkheahkih thsüchoh.

2 KORINT 5:9 Iomraidhean Croise

THRÜNTAN 4:7

Nünü lungkide rhimokhülaa, nü müleangkhibea de? Tüshe tümü alungkianü nünü ju mürhimosho, khimdopü ki neak yaplah; hanü nü mürheangchoh, tüshe nünü ju kukbeah.”

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

ROMRÜ KILIM PAULNÜ ATHRÜTKHI KIHÜM HUHTANYU 14:18

shepünü hanangde Khrista tankihchonü Thrünpuh kilim aleangkhikhukbe tüsho mihtsürünü am de thachoh.

ROMRÜ KILIM PAULNÜ ATHRÜTKHI KIHÜM HUHTANYU 14:8

Isa lasho, isa Atungpuh thsungkheak lachoh; tüsho isa shesho Atungpuh thsungkheak shechoh. Jumonü isa lala she yungsho sheshe she, isa ju Atungpuh yo ah.

ROMRÜ KILIM PAULNÜ ATHRÜTKHI KIHÜM HUHTANYU 15:20

Khürünü khimtankhi kheak inü mürhimopü thsüde Khrista mümükheahpung ching thiyusheak-atsü thsangyuthsangrapü ju kamruhroro I mükkheahkih lakheah.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

2 KORINT 5:6

Jumonü isa kamruhroro mulong tode lah; isa ha pang yam ching lachokia Atungpuh kheaknü chamkhibah lah de isanü mükheahlah,

2 KORINT 5:8

Isa mulong tode lah, tüsho isanü pang kheaknü chamkhibah Atungpuh lung thüyam ching lapü mulonglah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

1 TESALONIKA 4:11

Isanü nüsa ki thakhi nangde, akhimahe rhangdung lapü, nüsa nihbuh shothsümolo lümpü tüsho nüsa khahnü arhimopü nüsa mükkheahkih thsang,

1 TIMOTHI 4:10

Isanü mürangde rhimodo, tümütüsho isanü akinrü mihtsürü alala khümkhitrü, arhang Thrünpuh kheak isa mulonglam zo.

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.