2 KORINT 5:5 - AMÜSÜH HÜM CL Bible (BSI)

⁵ Shepünü isa thsungkheak harü tsanglungkhea, shepünü isa kilim mütsanmükhi thsüde Me jihkheanü, ju Thrünpuh ah.

2 KORINT 5:5 Iomraidhean Croise

ISAIA 29:23

Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

2 KORINT 1:22

apinü isa kheak mütsanyüm yihkih tüsho mütsanmükhi thsüde isa mulong ching api Me jih.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.