2 KORINT 5:20 - AMÜSÜH HÜM CL Bible (BSI)

²⁰ Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

2 KORINT 5:20 Iomraidhean Croise

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

2 KIUTHSÜYUKHEAN 36:15

Atungpuh , arü jipürü Thrünpuhnü api yunithsürübo hode mutukzhakde arü kilim thiyusheak yüshih, tümütüsho apinü anihbuh mihtsürü tüsho api lapung kheak amuzho lakheah;

NEHEMIA 9:29

Nü yuzüng anishihpü nünü arü ki müzünde tha, tüshe arünü ha anibah rhangdung lapü thsüthsü she arünü kükheangde nü yakzan mani, tüshe nü yakzan azhihde neak yihbeak. Mulong müküpde tüsho nihnihde, arünü mihyuanipü reanglo.

JOB HU H T ANYU 22:21

Thrünpuh kheak arihang tüsho mungtsü ching laang; hanangde atsü nü ki arübah.

JOB HU H T ANYU 33:23

Dale ju ching mihtsürü ki alungki khipkhitpü yunirü khülang limburü, chithürü bolungnü lasho,

JOB HU H T ANYU 33:6

Kheahang, Thrünpuh miki nü nangde I lah; I she alo dütrenü akamkheah.

MÜCHITMUDU 13:17

Mihbukmuyuk yunithsürü küpkhuk ching keamyukchoh, tüshe thiyuro lakhi limburünü mungtsü hande arüchoh.

ISAIA 27:5

Yungsho hanü I kheak jikpü kapkihshang, junangde apinü I kheak mungtsü thsübah; tüsho apinü I kheak mungtsü thsübah.

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

LUKNÜ ATHRÜTKHI THIYUSHEAK-ATSÜ HUHTANYU 14:23

Judüki aputungrünü yamlarü ki tha, ‘Lomi limtobo tüsho limrobo ching yübah arübo yana arüshang, junangde I yam mide akambah.

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

ROMRÜ KILIM PAULNÜ ATHRÜTKHI KIHÜM HUHTANYU 5:10

Tümütüsho thiriri lachoki api tsührü shekhinü Thrünpuh kheak isa tsüarihshih-a lasho, alü thsüde kheakü tsüarih-a lale, api rhangdungnü isa khümkhitbah.

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

2 KORINT 3:6

Apinü isa ju yakzan thrütkhi yo yungde Me ching tangzüng aso tankihrü thsüpü thülünde kamshih; tümüde yakzan thrütkhinü laksahchoh, tüshe Menü rhangdung jihchoh.

2 KORINT 5:11

Jumonü, Atungpuh trekhi mükheahde isanü mihtsürübo münityukchoh; tüshe isa tümüanü Thrünpuhnü mükheahlah, tüsho nüsa lümkhi ching she ju mükheahlah de inü akin lah.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

EFISIA 6:20

ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.

KOLOSI 1:20

tüsho alomi kheak yungsho yinmi ching thsüthsü, api sangkim thiyihnü mungtsü thsüde api hode anihbuh kheak tsüarihlo.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.