2 KORINT 5:17 - AMÜSÜH HÜM CL Bible (BSI)

¹⁷ Jumonü khürü Khrista ching lasho, api aso thrünlokhi ah; awünbe hode tsodo, kheahang, aso arüdo.

2 KORINT 5:17 Iomraidhean Croise

MUNGSHIKHÜN 51:10

O Thrünpuh, I kheak mulong amüsüh khülang thrünjang, tüsho I kheak thiyuro me aso kamshang.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

EZEKIEL 36:26

Inü mulong aso khülang nü kilim jihbah, tüsho me aso khülang nü kheak yukjihbah; tüsho inü nü pang chingnü lungto mulong yihkhitbah tüsho nü kilim shihtsü mulong khülang jihbah.

MATHI 12:33

“Sangdung ju atsü thsüsho aso atsü labah, yungsho sangdung ju amütsü thsüsho aso amütsü labah; tümüde sangdung khülang ju asonü mütsanchoh.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 5:38

Tüshe yukhu amühdo ju shihküpkeluh aso ching yukbeah.

JOHAN 14:20

Ju nimung I Abuh kheak lah, nüsa I kheak lah, tüsho I nüsa kheak lah de nüsanü amükheahbah.

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

JOHAN 15:5

I kurungasoliu, nüsa akhahbo. Shepü I kheak lacho, tüsho I api kheak lanü hihde asochoh; tümütüsho I mübede nüsanü tümü müthsükhuk.

JOHAN 17:23

I arü lung lah, tüsho nü I lung lah; junangde arübo khülang tsütsü kambah, junangde nünü I thiyikheah, tüsho nünü I muzhokhi nangde arü muzhodo de alominü amükheahbah.

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

ROMRÜ KILIM PAULNÜ ATHRÜTKHI KIHÜM HUHTANYU 16:10

Khrista kheak thiyuro lakhi Apelles ki salüm jihang. Aristobula yamkhün ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 16:11

I keoniorü Herodion ki salüm jihang. Narkisa yamkhün ching Khristan keoniorübo ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 16:3

Jisu Khrista ching I lung rukhüh rhimorü Priscilla tüsho Aquila büne ki salüm jihang;

ROMRÜ KILIM PAULNÜ ATHRÜTKHI KIHÜM HUHTANYU 16:7

I keoniorü tüsho rukhüh aramrübo Andronika tüsho Junia ki salüm jihang; ane ju amüsüh-thsangyurü bolung amükheahkhi tüsho I müngüh Khrista ching lakheah.

ROMRÜ KILIM PAULNÜ ATHRÜTKHI KIHÜM HUHTANYU 16:9

Khrista ching isa rukhüh rhimorü Urbana, tüsho inü muzhokhi Staki ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 7:6

Tüshe kheakü isa rhüka lakhi ching shekhinü, yakzan chingnü zuzu kam, junangde thrüta lakhi awün ching yung tüshe Me aso ching isanü tankihchoh.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 13:11

Küyimki I azürü lakhea, I yu thakhi, I anikhitkhi, I lümkhi azürü nangde alakheah, küyimki I azorü kamkheanü, inü azürü yaklibo bah.

2 KORINT 12:2

Kam thürükheak phüyi tsodo, inü mükheahkhi Khrista ching mihtsürü khülang yinmi mahsampü ching bekih–pang bede a shi pang mübenü inü mümükheah, Thrünpuhnü mükheahlah.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

2 KORINT 5:19

juju mihtsürübonü arü azhihde neak yihbeakkhi mükhede Thrünpuhnü alomi ju Khrista ching anihbuh kilim tsüarihshih. Tüsho apinü isa kilim tsüarihkhi yusheak jihdo.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

GALATIA 6:15

Tsütabahkhi yungsho tsütamübahkhi tümü she yung; aso thrünlokhi ju lang khechoh.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

EFISIA 2:15

junangde apinü anihbuh kheak mungtsü thsüde mahne müthri mihtsürü aso khülang thrünpü api shih ching thiyukhüm yakzan tüsho thiyuzüngbo dükheakshih,

FILIPI 4:21

Jisu Khrista ching amüsührü aban ki salüm. I lung lakhi keoniorübonü nüsa kilim salüm jihchoh.