2 KORINT 5:15 - AMÜSÜH HÜM CL Bible (BSI)

¹⁵ Tüsho alala dünkheaknü api she, junangde sherü rhangdung lanü kheaküa nihbuh thsungkheak müla tüshe arü dünkheak shebah arhang kamlobuh thsungkheak labah.

2 KORINT 5:15 Iomraidhean Croise

2 KIULONG THSÜRÜ 5:17

Judüki Naamannü tha, “Jude yungsho, muzhobah alo khoranunu hah 2 nü yamlarü kilim jihang; tümüde nü yamlarünü küyimkishe taka kingaünkhi yungsho laksah-a kingaünkhi Atungpuh hode püpürü thrünpuh kilim müjih.

EZEKIEL 16:6

Judüki I hode yü tüsho nü thiyih ching nünü mükhede ngü, tüsho nü thiyih ching nü yapde lachoki nü ki inü tha, “ Laang!”

EZEKIEL 37:14

Inü I me nüsa kheak yukjihbah, tüsho nüsa rhangdung labah, tüsho inü nüsa nihbuh lo kheak lashihbah; judüki I Atungpuhnü asukkheah tüsho rhimobah de nüsanü mükheahbah,” Atungpuhnü thachoh.

EZEKIEL 37:9

Judüki apinü I ki tha, “Sheak ki müchitang, mihtsürü tsührü, müchitang tüsho sheak ki thaang: Atungpuh Thrünpuhnü ha thachoh: Apungbo thrip phüyi chingnü arang, O sheak, tüsho harü alaksahkhibo kheak sheak thsüyukang, junangde arübo rhangdung labah.”

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

ZEKARIA 10:9

Inü arübo trükshih bolung hiumüzütshihshih she, limshu lomibo chingnü arünü I lümkhitbah, tüsho arünü arü tsührübo mütrübah tüsho alodarübah.

LUKNÜ ATHRÜTKHI THIYUSHEAK-ATSÜ HUHTANYU 1:74

isa riribo khah chingnü isa bekhitpü, tüsho mütrede isanü api tankihkhukshihpü,

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

JOHAN 6:57

Arhang labuh I Buhnü I thiyikhi nangde tüsho Abuh hode I lakhi nangde, shepünü I tsühyungbanü I dünkheaknü alabah.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 4:25

Api ju isa neakbo dünkheak ashepü ching jih tüsho isa alim kamshihpü thsungkheak arhang kamloshih.

ROMRÜ KILIM PAULNÜ ATHRÜTKHI KIHÜM HUHTANYU 6:2

Jude yung! Isanü küde thsah neak ching shebah judü lang rhangdung lakhukpü?

ROMRÜ KILIM PAULNÜ ATHRÜTKHI KIHÜM HUHTANYU 6:6

Isa awün api lung yümkihdo de isanü mükheahlah, junangde neak lakhi pang thsümünimbah tüsho kheaküa isa ju neak azhorü müthsü.

ROMRÜ KILIM PAULNÜ ATHRÜTKHI KIHÜM HUHTANYU 8:10

Tüshe nüsa kheak Khrista lasho, neak hode nüsa pangbo shea lalashe, thiyurolungki hode nüsa mebo arhang lah.

ROMRÜ KILIM PAULNÜ ATHRÜTKHI KIHÜM HUHTANYU 8:2

Tümüde Jisu Khrista ching Me rhangdung yakzannü neak yakzan tüsho ashe chingnü I zuzu kamshih.

ROMRÜ KILIM PAULNÜ ATHRÜTKHI KIHÜM HUHTANYU 8:6

Shih kheak mulong zokhi ju ashekhi, tüshe Me kheak mulong zokhi ju rhangdung tüsho mungtsü.

1 KORINT 10:33

lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

2 KORINT 3:6

Apinü isa ju yakzan thrütkhi yo yungde Me ching tangzüng aso tankihrü thsüpü thülünde kamshih; tümüde yakzan thrütkhinü laksahchoh, tüshe Menü rhangdung jihchoh.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

GALATIA 5:25

Isanü Me hode lachosho, isanü Menü abekhi ching tsahanü.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

KOLOSI 2:12

tüsho baptikhi ching nüsa api lung kiuyuka bah, ju ching api ashe chingnü arhang kamloshihbuh Thrünpuh rhimo akin hode api lung nüsa she arhang kamloshih.

KOLOSI 3:1

Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

KOLOSI 3:23

Nünü tümüpürü rhimobanü, mihtsürü thsungkheak yungde, Atungpuh thsungkheak rhimokhi nangde nü mulong alalanü rhimoang,

1 TESALONIKA 5:10

Isa arhang lalashe yungsho shea lalashe api lung isa rukhüh lapü thsüde isa dünkheaknü api she.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

1 PETER 4:6

Jumonü thiyusheak-atsü ju asherü ki she thsangyuthsangrakheah, junangde shih ching mihtsürü nangde arübo mahkhapbah, tüshe Thrünpuh nangde me ching labah.

1 JOHAN 4:9

Hanangde Thrünpuhnü isa bolung api amuzho huh: isanü api hode alapü thsüde Thrünpuhnü api tsührü lapkhiung lakhi alomi ching arüshih.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.