2 KORINT 5:14 - AMÜSÜH HÜM CL Bible (BSI)

¹⁴ Tümüde Khrista amuzhonü isa danlochoh, tümütüsho alala dünkheaknü khülang shedo de isanü mütsanlah, jumonü api shekhi ching alalanü shihcham luchoh.

2 KORINT 5:14 Iomraidhean Croise

1 KIUTHSÜYUKHEAN 11:18

Judüki mahsamnü Filistiarü binpung lakashungde yü tüsho ripit ki lakhi, Bethlehem kekhip chingnü ke khipa lu, tüsho arünü ju David kilim lubah arü. Tüshe Davidnü ju muyung; apinü ju Atungpuh kilim dunga bah,

JOB HU H T ANYU 32:18

Tümüde I a thiyubonü milah; I kheak lakhi menü I athsungchoh.

KHÜNBOLUNGKHÜN 1:4

I nü lung bea lung, ike alihde tsoanü. Kiulongthsüpuhnü I api khiungshak ching beyuka lah. Isanü nü lung tode asühbah tüsho asühachihbah; isanü nü muzho yukhu kheaknü alü shijihbah; dükde arünü nü muzholah.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

LUKNÜ ATHRÜTKHI THIYUSHEAK-ATSÜ HUHTANYU 15:24

tümüde I tsührü ha shea lakheah tüshe kheakü arhang lalolah; api dükheaka lakheah tüshe ngüdo.’ Tüsho arünü asühachihpü tankih.

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

LUKNÜ ATHRÜTKHI THIYUSHEAK-ATSÜ HUHTANYU 24:29

Tüshe anenü api ki müküpde thsungkih, “Ike lung binang, tümüde azhingpü thsüchoh; nimung hodo.” Jumonü apinü ane lung binpü yü.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 5:25

“Atsütsü inü nüsa ki thachoh, kim arüchoh, tüsho kheakü asherünü Thrünpuh tsührü düsheak sopü lah; tüsho sherünü asobanü rhangdung labah.

YUNIRÜBO RHIMO 18:5

Küyimki Sila le Timothi büne Macedonia chingnü arükhea, Paul a Jisu ju Khrista lakheah de Jihudarü ki thiyumütsan thsüde thsangyuthsangrade alakheah.

ROMRÜ KILIM PAULNÜ ATHRÜTKHI KIHÜM HUHTANYU 2:2

Thrünpuh mahkhap ju hadürü rhimorü kheak lungkide keamchoh de isanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 5:15

Tüshe akeang thsambah ju alakmihkhi nangde yung. Tümütüsho mihtsürü khülangnü alakmihkhi hode ahihdo shekheasho, mihtsürü khülang Jisu khrista amüthsüm ching ahihdo thsungkheak Thrünpuh amüthsüm tüsho akeang thsambah lah.

ROMRÜ KILIM PAULNÜ ATHRÜTKHI KIHÜM HUHTANYU 6:13

Nü pang shihchambo ju mihbukmuyuk rhimopü neak kilim düjih, tüshe ashe chingnü arhang kamlokhi mihtsürü nangde tüsho nü pang shihchambo thiyurolungki rhimopü Thrünpuh kilim jihang.

ROMRÜ KILIM PAULNÜ ATHRÜTKHI KIHÜM HUHTANYU 6:6

Isa awün api lung yümkihdo de isanü mükheahlah, junangde neak lakhi pang thsümünimbah tüsho kheaküa isa ju neak azhorü müthsü.

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

2 KORINT 3:7

Kheakü asheshihbe yakzan lungbeak kheak thrütkihkhi, akheambe thsüa lalashe, azhingzhingkhinü Israelrünü Mosa miro mükheahkhukde, müretahde arükheasho,

2 KORINT 3:9

Tümütüsho abahyukbe yakzan ching müretah lakheasho, thiyuro-lungki yakzan a ju kihode müretahbah.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

KOLOSI 2:13

Tüsho nüsa sherü neak tüsho shih tsütamübahkhi ching shea lakhea, Thrünpuhnü isa neakbo alala bahjihde api lung arhang lashih;

KOLOSI 3:3

Tümüde nü shedo, tüsho nü ju Khrista lung rhangdung Thrünpuh kheak jika lah.

1 TIMOTHI 2:6

apinü kim dükdü ching thiyumütsan jihde mihtsürü alala rhokhitpü anihbuh jih.

1 TIMOTHI 5:6

tüshe khimoberü shepünü shih reangkeampü ching jihchonü anihbe arhang lalashe ashekhi lah.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

1 JOHAN 5:19

Isa Thrünpuh yo, tüsho alomiküp athrünkhi amünean wu ching lah de isanü mükheahlah.