2 KORINT 5:11 - AMÜSÜH HÜM CL Bible (BSI)

¹¹ Jumonü, Atungpuh trekhi mükheahde isanü mihtsürübo münityukchoh; tüshe isa tümüanü Thrünpuhnü mükheahlah, tüsho nüsa lümkhi ching she ju mükheahlah de inü akin lah.

2 KORINT 5:11 Iomraidhean Croise

THRÜNTAN 35:5

Judüki arünü tsahmusu, tüsho arü miki kiutobo alala kheak Thrünpuh mihtrebe lakheah, tüsho arünü Jakob tsührübo yande mümüsham.

JOB HU H T ANYU 18:11

Athrip abande atrebenü api müzünchoh, tüsho api lahzhi kheak müthsakkihlah.

JOB HU H T ANYU 31:23

Tümütüsho Thrünpuh kilimnü athsümüchibe ju inü trede alakheah, inü küyimkishe müthsükhuk.

JOB HU H T ANYU 6:4

Tümüde Wuto hühzobo I kheak lah; I menü arü müzüm yungchoh; Thrünpuh yo atrebe I azhihde khin thsülah.

MUNGSHIKHÜN 73:19

O, küdükhüh she anükhüh kheaknü arü thsümünima la, arübo atrebe thsüde shahde muyua lah!

MUNGSHIKHÜN 76:7

Nü lang atrepü lah. Nü bukakhiukchoki shenü nü miki zhipkhukpü la?

MUNGSHIKHÜN 90:11

Shepünü nü bukakhiukkhi wu mükheahla? Tümüde nü trekhi nangde, nü mulong zhipzhipkhi lah.

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

LUKNÜ ATHRÜTKHI THIYUSHEAK-ATSÜ HUHTANYU 16:31

Tüshe apinü anihbuh ki tha, ‘Arünü Mosa tüsho wukihrübo yu manisho, ashekhi chingnü khürü arhang kamlolo she arünü mükinde alabah.’ ”

YUNIRÜBO RHIMO 13:43

Tüsho sinagog chingnü müzüt dunglim, Thrünpuh amüthsüm ching mutuklode alapü anenü atharü Jihudarü le khiungkerü, Jihudarü kingaün ching mulong müthria larü ahihdonü Paul tüsho Barnaba büne dunglim yan.

YUNIRÜBO RHIMO 18:13

Arünü tha, “Ha mihtsürünü yakzan azhihde Thrünpuh kingaünshihpü mihtsürübo münityukchoh.”

YUNIRÜBO RHIMO 18:4

Apinü sinagog ching Amuni aban atsangachih tüsho Jihudarü le Greekrü mushuyukpü mürang.

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

YUNIRÜBO RHIMO 26:26

Tümüde kiulongthsüpuhnü hadürü dünkheak mükheahlah, tüsho inü nü ki zuzu thsüde thachoh; nünü harü aban mükheahdo de inü mütsanlah, tümüde hadürü amühit ching ramde mürhimo.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

EFISIA 5:21

Khrista ki wüntre jihkhi hode khülangnü khülang bukkhüp laang.

IBRI 10:31

Arhang Thrünpuh khah ching yüzahpü ju atrebe lah.

IBRI 12:29

tümüde isa Thrünpuh a aniuabahbe mo ah.

JUDNÜ ATHRÜTKHI KIHÜM HUHTANYU 1:23

mo chingnü züngkhitde khürü khümkhitang; tüsho khürü ki trezung thsüde mihmüthsüm huhang, tüshe arü yüliyürakhi neakbonü amüneankhi khimmihbo thraneanang.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.