2 KORINT 4:8 - AMÜSÜH HÜM CL Bible (BSI)

⁸ Limbeak aban ching isa thsünülah, tüshe müzünak; yingyinglah tüshe mulonglam müdükheak;

2 KORINT 4:8 Iomraidhean Croise

MUNGSHIKHÜN 129:2

“Arünü I athunu kim chingnü thsümüchido; tütüshe arünü I mukuk.

MUNGSHIKHÜN 37:33

Atungpuhnü api anihbuh khah ching mübahjih, yungsho api mahkhapchoki mübahyuk.

MÜCHITMUDU 14:26

Atungpuh trekhi ching mulongram adüküng lah, tüsho api tsührübo tsoyukpung dangpung labah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 40:31

tüshe sherünü Atungpuh aleangchonü arü sühmüh aso kambah, arünü müleangbo nangde ghibonü aphinbah, arünü alihbah tüsho mükeak, arünü atsahbah tüsho sühmükeakea.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

JOHAN 14:18

“Inü nüsa mürerübo nangde mübahjih; I nüsa kilim arübah.

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

2 KORINT 6:12

Nüsa ki mümuzhokhi ju isanü yung; isa ki mümuzhokhi ju nüsa ah.

2 KORINT 6:4

tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo,

2 KORINT 7:5

Tümütüsho küyimki isa Macedonia ching arükhea, isa pang sühakhim müla, lüpdükhi lim küpkhuk lakheah. Wungdo rukachih, alunglim atrebe lakheah.

GALATIA 4:20

Kheakü I nüsa miki labah I düsheak müthrinelah; tümüde nüsa dünkheaknü I yingyingde lah.

1 SAMUEL 28:15

Judüki Samuelnü Saul ki tha, “ Tümü thsükhi nünü I küpkhuk jihde bede atukhea?” Saulnü alo, “I lümthsünü ato ching lah, tümüde Filistiarünü I bede keochihchoh, tüsho Thrünpuhnü I kheaknü tsoabahbah wukihrü yungsho milim müchitrü hodü she I ki malojih; jumonü inü tümü rhimobeanü ju thashihpü nü jikheah.”

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.

1 SAMUEL 31:4

Judüki Saulnü api thsühnuk hanrü ki tha, “Nü nukshang dukkhitang tüsho I düchipang, junangde harü tsütamübahrünü arübah ninnin thsüde müdüchip.” Tüshe api thsühnuk hanbuhnü mümulongde alakheah; tümüde api treabah. Jumonü Saulnü anihbuh nukshang dukkhitbah ju kheak keam.