2 KORINT 4:6 - AMÜSÜH HÜM CL Bible (BSI)

⁶ Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

2 KORINT 4:6 Iomraidhean Croise

THRÜNTAN 1:3

Judüki Thrünpuhnü tha, “Ayin akhiukang,” tüsho ayin akhiuk.

MUNGSHIKHÜN 63:2

Jumonü nü wu tüsho nü müretah ngüpü, inü arüngakopung ching nü kheahdo.

MUNGSHIKHÜN 74:16

Nimung nü yo, azhing she nü yo; nünü ayin tüsho ani thsakham.

MUNGSHIKHÜN 90:16

Nü yamlarübo ki nü rhimo, tüsho arü tsührübo ki nü müretah akhiuka huhang.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

ISAIA 60:2

Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

LUKNÜ ATHRÜTKHI THIYUSHEAK-ATSÜ HUHTANYU 10:22

I Buhnü lüpdükhi I kilim jihdo, tüsho Abuh kheak hode shenü atsührü mümükheah, tüsho atsührü le api amikheak akhiukshihpü mokhitrü kheak hode shenü Abuh mümükheah.”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 11:40

Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?”

JOHAN 12:41

Harü Isaianü api müretah ngüchoki tüsho api dünkheak asukchoki thakheah.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

2 KORINT 2:10

Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah,

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

FILIPI 2:6

api Thrünpuh nangde lalashe, apinü Thrünpuh akede rukhüh kampü mülüm,

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 6:4

Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah;

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.