2 KORINT 3:8 - AMÜSÜH HÜM CL Bible (BSI)

⁸ Me yakzan a müretah atobe mülabea de?

2 KORINT 3:8 Iomraidhean Croise

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 7:39

Tüshe ha api kheak kinrübonü aleangkhipü me dünkheak apinü athakheah; tümüde Jisu müretah mülayikhinü Amüsüh Me müjihyide alakheah.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

2 KORINT 3:17

Kheakü Atungpuh ju Me, tüsho küching Atungpuh Me lanü ju ching zuzu lah.

2 KORINT 3:6

Apinü isa ju yakzan thrütkhi yo yungde Me ching tangzüng aso tankihrü thsüpü thülünde kamshih; tümüde yakzan thrütkhinü laksahchoh, tüshe Menü rhangdung jihchoh.

2 KORINT 3:7

Kheakü asheshihbe yakzan lungbeak kheak thrütkihkhi, akheambe thsüa lalashe, azhingzhingkhinü Israelrünü Mosa miro mükheahkhukde, müretahde arükheasho,

2 KORINT 3:9

Tümütüsho abahyukbe yakzan ching müretah lakheasho, thiyuro-lungki yakzan a ju kihode müretahbah.

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

GALATIA 5:5

Tüshe akinnü, Me hode thiyuro-lungki mulonglam isanü aleangchoh.

EFISIA 2:18

tümütüsho api hode isa chido Me khülang ching Abuh kilim arüshihpü lah.

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.