2 KORINT 2:12 - AMÜSÜH HÜM CL Bible (BSI)

¹² Küyimki Khrista thiyusheakatsü thsangyuthsangrapü I Troa ching arükheanü Atungpuhnü I kilim ripit khimshuhjih;

2 KORINT 2:12 Iomraidhean Croise

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

YUNIRÜBO RHIMO 16:11

Isanü sangkung chingnü tsahmusubah Troa chingnü langde Samothra lim hode yü, tüsho ashidopü Neapoli khiung.

YUNIRÜBO RHIMO 16:8

jumonü Mysia hobah anenü Troa lim yüki.

YUNIRÜBO RHIMO 20:8

Isa mukhunga lakhi akube khiungshak ching ju tsünpung ahihdo taka lakheah.

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

1 KORINT 16:9

tümütüsho ju ching I azhihrü hihde lalashe kukzam rhimopü thsüde I kilim ripit mülihde khimshuh-a lah.

1 KORINT 9:12

Püpürübo nüsa kheaknü arung ngüpü ha alim lasho, isa a alünü mülabea de? Judüalalashe, isanü ha alim mahori. Tüshe Khrista thiyusheakatsü limro müyihdopü isanü lüpdükhi arümkheam.

1 KORINT 9:14

Junangde sherü thiyusheak-atsü zhiyukchonü thiyusheak-atsü hode arü rhangdung lapü ngübah de Atungpuhnü thiyukhüm jih.

1 KORINT 9:16

Tümüde inü thiyusheak-atsü thsangyuthsangrasho ju inü akükheangpü müla, tümütüsho yihnüpü lakhi I kheak yihkihjih. Inü thiyusheak-atsü müthsangyuthsangrasho I are!

2 KORINT 10:14

Isanü nüsa mukhiungkhi nangde isa küdah thsüde müpeangshangchoh; nüsa khiungde Khrista thiyusheak-atsü lubah arükhi ju isa akhuh lakheah.

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

2 KORINT 11:7

Nüsa shuhkihpü thsüde inü akeangnü Thrünpuh thiyusheakatsü nüsa ki thsangyuthsangrakhi ju I neak a de?

2 KORINT 4:3

Tüsho isa thiyusheak-atsü muhiudoa lalashe, ju adükheakrübo kilim lang muhiudoa lah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

2 KORINT 8:18

Isanü api lung thiyusheak-atsü thsangyuthsangrakhi ching borübo alalanü athukhi keoniorü thiyichoh;

2 KORINT 9:13

Ha tankihkhi mütsankhi ching, nüsanü Khrista thiyusheak-atsü mihyuanikhi tüsho arü le püpürü alala thsungkheak salade arungkhi hode arünü Thrünpuh müretahshihbah.

KOLOSI 4:3

I küpü dünkheak rihyam ching la, Khrista aramyu khipkhitpü thiyusheak thsungkheak Thrünpuhnü ripit khimshuhpü isa thsungkheak she tamkhüntamnüjang,

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,