2 KORINT 13:7 - AMÜSÜH HÜM CL Bible (BSI)

⁷ Kheakü nüsanü amülim tümü mürhimopü isanü Thrünpuh ki tamkhüntamnüchoh. Rükakheahkhi isanü kukdo de mihtsürünü angüshihbe yung tüshe isa mukukzamkhi nangde lalashe nüsanü tümü alimanü arhimobah.

2 KORINT 13:7 Iomraidhean Croise

1 KIUTHSÜYUKHEAN 4:10

Jabeznü Israel Thrünpuh ki jide tha, “O nünü I müngühjang tüsho I lomi tode kamshang! Nü khah I lung labah, tüsho thsümütsü chingnü I küma zoang, junangde thsünükhi chingnü I zuzu labah.” Tüsho api tamkhüntamnükhi Thrünpuhnü alojih.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

JOHAN 17:15

Arübo alomi chingnü luakhinpü inü nü ki mütamkhüntamnü, tüshe nünü arübo amütsübe chingnü küma lashang.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

ROMRÜ KILIM PAULNÜ ATHRÜTKHI KIHÜM HUHTANYU 16:10

Khrista kheak thiyuro lakhi Apelles ki salüm jihang. Aristobula yamkhün ki salüm jihang.

1 KORINT 11:19

Tümüde nüsa bolung achamnakbo labah, junangde alim larübo mütsanbah.

2 KORINT 10:10

Tümüde khürünü thachoh, “Api kihümbo mülanglah tüsho müküplah, tüshe api lachokia thünaklah, tüsho api yu thakhi tümü she yung.”

2 KORINT 10:18

Tümütüsho nihbuh küdah thsüde shilokhinü yung, tüshe shepü Atungpuhnü shijihchonü athülün lah.

2 KORINT 13:6

Isanü mülakphahkhi nüsanü amükheahbah de inü kinlah.

2 KORINT 13:8

Tümüde isanü thiyuro azhihde tümü müthsükhuk, tüshe thiyuro thsungkheak lang ah.

2 KORINT 13:9

Küyimki isa reangmüzahba tüsho nüsa reangzahbanü isanü asühchoh, isa tamkhüntamnü ju nüsa alü thsüpü thsungkheak ah.

2 KORINT 6:4

tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo,

2 KORINT 8:21

tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

1 TIMOTHI 2:2

isanü akinrü thsüde, tüsho wüntre lakhi alala ching akhimahe tüsho mungtsü rhangdung lapü thsüde kiulongthsürübo tüsho thiyukhümsühmüh larü thsungkheak mushujihbeah.

2 TIMOTHI 2:15

Nü küdah thsüde tsülah dükhi khülang, machihde arhimorü tüsho thiyuro yu lungkide thsangyurü nangde Thrünpuh miki lang.

2 TIMOTHI 4:18

Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.