2 KORINT 13:5 - AMÜSÜH HÜM CL Bible (BSI)

⁵ Nüsa akin hode ramlola shi yungnü nüsa küdah thsüde rükakheahang. Nüsabo rükakheahang. Khrista nüsa kheak lah de nüsanü mülümkhitcho de? – nüsanü rükakheahpü lakphah-a lah yungsho!

2 KORINT 13:5 Iomraidhean Croise

MUNGSHIKHÜN 119:59

Inü I limro lümakheah tüsho I jingdükübo nü yakzan thsükhibo lim rholo.

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 26:2

O Atungpuh , I mütsanmükhiang tüsho mahkhapang; I mulong tüsho I lümkhi rükakheahang.

JEREMIA 6:30

Arübo “Abahyukkhi shotoyinchi” de jichoh, tümüde Atungpuhnü arü bahyukdo.

TÜZHOKHI 3:40

Isanü isa limrobo ajamakheahanü tüsho jurü rükakiakheahanü, tüsho Atungpuh kilim rholoanü.

EZEKIEL 18:28

Tümütüsho apinü alakmihkhi alala lümakheahchoh tüsho jurü chingnü rholode tsochoh, tsükjide api alabah; api müshe.

HAGGAI 1:5

Kheakü jumonü Wuto Atungpuhnü ha thachoh: Nüsa limrobo lümakheahang.

HAGGAI 1:7

Wuto Atungpuhnü ha thachoh: Nüsa limrobo lümakheahang.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 15:4

I kheak lang, tüsho I nüsa kheak labah. Aliu ching mülade akhahnü aküdah thsüde aso masokhi nangde, nüsa I kheak mülasho nüsa she masokhuk.

JOHAN 17:23

I arü lung lah, tüsho nü I lung lah; junangde arübo khülang tsütsü kambah, junangde nünü I thiyikheah, tüsho nünü I muzhokhi nangde arü muzhodo de alominü amükheahbah.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 6:56

Shepünü I shih tsühcho tüsho I thiyih yungchonü I lung lachoh, tüsho l api lung lachoh.

JOHAN 6:6

Tüshe apinü anihbuh rükakide athakheah, tümüde apinü tümü rhimobanü mükheahbah alakheah.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 8:10

Tüshe nüsa kheak Khrista lasho, neak hode nüsa pangbo shea lalashe, thiyurolungki hode nüsa mebo arhang lah.

1 KORINT 11:28

Mihtsürü abannü yikhap mütsühyide tüsho pung muyungyide nihbuh akeakheahbeah.

1 KORINT 11:31

Tüshe isanü nihbuh akeakheah-a lasho, isa yumükhap.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 6:15

Nüsa pangbo ju Khrista pang ching shihchambo ah de nüsanü mümükheah de? Inü Khrista pang shihcham khülang lubah müzammüramrü pang lung shihcham kamshihba shi? Küyimkishe yung!

1 KORINT 6:19

Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung;

1 KORINT 6:2

Amüsührübonü alomi thiyukhapbah de nüsanü mümükheah de? Tüsho nüsanü alomi thiyukhappü lasho, nüsanü mübanmukhiungbo dünkheak mükhapkhukba de?

1 KORINT 9:24

Alihachihkhi ching alihrü alalanü alihchoh, tüshe khülangnü lang thsambah ngüchoh de nüsanü mümükheah de? Thsambah ngüpü thsüde alihang.

1 KORINT 9:27

azhihachihpü püpürü jibah dunglim I müthülünde kambah mütsüle inü I pang shangde düküngshihchoh tüsho inü danyuka zochoh.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

GALATIA 4:19

Amuzho I tsührübo, Khrista yakli nüsa kheak mülayi khiungde kheaküshe nüsa lung I zübe-thsünü ching lah!

GALATIA 6:4

Tüshe mihbüm abannü nihbuh rhimo akea kheahang, tüsho apinü kükheangkhi amütsan yamhingrü kheak yungde anihbuh kheak lang alabah.

EFISIA 3:17

tüsho junangde akin hode nüsa mulongbo ching Khrista labah; junangde nüsa amuzho ching aying chinyukde tüsho düküngde,

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 2:19

tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.

KOLOSI 2:7

aying chinyukde api kheak thrünkihde tüsho akin ching düküngde nüsa ki thsangyukhi nangde makshe jihkhi ching suhdahde laang.

1 TIMOTHI 2:15

Tütüshe anihbenü azhihayihde akin, amuzho, tüsho amüsühkhi ching mutukzhakde lasho tsührü zübekhi hode aliberü ju akhümkhitbah.

2 TIMOTHI 3:8

Jannea tüsho Jambrea bünenü Mosa azhihkhi nangde lümkhi amütsü tüsho akin thsümünimkhi mihtsürübonü she thiyuro azhihchoh;

TITA 1:13

Ha thiyumütsan thiyuro ah. Jumonü arü khakkhak thürühang, junangde arü akin ching thiyuro labah,

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

TITA 2:2

Azobuhrü mihtsürü ki arümkheampü, mulong jihpü, kurhangpü, tüsho akin ching, amuzho ching, tüsho rünkhiungpü ching düküngpü thsangyuang.

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

IBRI 4:1

Jumonü, api sühakhim ching yüzahpü alokhikhi lale, nüsa she lang she mülakphahpü thsüde isanü kümkanganü.

IBRI 6:8

Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

1 PETER 5:9

Nüsa akin ching düküngang tüsho api yanloang, tümütüsho alomi ching nüsa keoniorübo rukhüh thsünü dünjichoh de nüsanü mükheahlah.

AMIKHEAKAKHIUKKHI 2:5

Nü tümü chingnü ayoa lanü lümkhitang, tüsho nünü akhuhde arhimokhi rhimoang. Nünü mulong mümüthrisho, I nü kilim arübah tüsho nü tsünpung dubopung azopungnü luakhinbah.