2 KORINT 13:14 - AMÜSÜH HÜM CL Bible (BSI)

¹⁴ Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.

2 KORINT 13:14 Iomraidhean Croise

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 7:38

Shepünü I kheak kinbanü amüsühyunü athakhi nangde api mulong chingnü rhangdung ke ayungbo bukbah.”

YUNIRÜBO RHIMO 15:11

Arü nangde, Atungpuh Jisu amüthsüm hode isa khümkhitbah de isanü kinlah.”

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

ROMRÜ KILIM PAULNÜ ATHRÜTKHI KIHÜM HUHTANYU 16:23

I tüsho borü alala yamputungpuh Gaianü nüsa kilim salüm jihchoh. Kiuto rahpung akambuh Erasta tüsho isa keoniorü Quartanü nüsa kilim salüm jihchoh.

ROMRÜ KILIM PAULNÜ ATHRÜTKHI KIHÜM HUHTANYU 16:27

Alala lümlung labuh, Thrünpuh kilim lang, Jisu Khrista hode lün thsungkheak müretahshang! Amen.

ROMRÜ KILIM PAULNÜ ATHRÜTKHI KIHÜM HUHTANYU 5:5

tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.

ROMRÜ KILIM PAULNÜ ATHRÜTKHI KIHÜM HUHTANYU 8:39

achang, asük, yungsho thrüna lakhi alala ching tümünü she Atungpuh Jisu Khrista amuzho chingnü isa müchamkhikhuk.

ROMRÜ KILIM PAULNÜ ATHRÜTKHI KIHÜM HUHTANYU 8:9

Atsütsü Thrünpuh Me nüsa kheak lasho, nüsa shih ching müla tüshe me ching lah. Shepü Khrista Me mülanü api yo yung.

1 KORINT 12:13

Tümütüsho Jihudarü yungsho Greekrü, azhorü yungsho zuzu larü thsüthsü isa alala pang khülang ching Me khülangnü baptijih tüsho Me khülang yungshih.

1 KORINT 14:16

Nünü menü Thrünpuh ki mungshi jihsho, manikhitrü bolung larünü nünü athakhi yu mümükheahle küde thsah nünü makshe jihkhi ching “Amen” de athaba?

1 KORINT 16:23

Atungpuh Jisu amüthsüm nüsa lung laang.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 6:19

Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung;

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 2:18

tümütüsho api hode isa chido Me khülang ching Abuh kilim arüshihpü lah.

EFISIA 2:22

api kheak Me ching Thrünpuh lapung thsüde nüsa thrünkih-a lah.

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

EFISIA 6:23

Abuh Thrünpuh tüsho Atungpuh Jisu Khrista kilimnü mungtsü tüsho akin bede amuzho lashang.

FILIPI 2:1

Jumonü Khrista ching mulong toshihkhi, amuzho sühakhim, Me ching arihako tüsho tsüyihde muzhoachihkhi lasho,

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

1 JOHAN 3:16

Isa rhangdung dünkheak api rhangdung jihkhi hode isanü amuzho mükheahlah; tüsho isanü keoniorü thsungkheak isa rhangdung jihbeah.

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

JUDNÜ ATHRÜTKHI KIHÜM HUHTANYU 1:21

nüsabo Thrünpuh amuzho ching lang; lün rhangdung lim isa Atungpuh Jisu Khrista mihmüthsüm thsungkheak aleangang.