2 KORINT 13:11 - AMÜSÜH HÜM CL Bible (BSI)

¹¹ Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

2 KORINT 13:11 Iomraidhean Croise

THRÜNTAN 37:4

Tüshe küyimki arü abuhnü akeoniorübo alala kheaknü api alü muzhokhi akhiung pürünü angükhea, arünü api mükheahnede kam, tüsho api ki amuzho yu müthakhukde alakheah.

THRÜNTAN 45:24

Jumonü apinü akeoniorübo thiyia yüshih, tüsho arünü chamachih; tüsho apinü arü ki tha, “Limro ching dürukachih.”

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

MARK 10:49

Jumonü Jisunü zhikde zhip tüsho api jiang de tha. Judüki arünü müktukkhi mihtsürü ju jibah api ki tha, “Asühang. Asürang, apinü nü jichoh.”

MARK 9:50

Thimi ju tsülah, tüshe ju amüsüpkhi dükheakabahsho, nünü küde thsah akeloshihba? Nüsa kheak thimi lashang, tüsho khülangnü khülang ki mungtsü laang.”

LUKNÜ ATHRÜTKHI THIYUSHEAK-ATSÜ HUHTANYU 9:61

Tüsho püpürünü tha, “Atungpuh, inü nü yanbah, tüshe akhuhde yübah I yam ching larü ki chode thaanü.”

JOHAN 17:23

I arü lung lah, tüsho nü I lung lah; junangde arübo khülang tsütsü kambah, junangde nünü I thiyikheah, tüsho nünü I muzhokhi nangde arü muzhodo de alominü amükheahbah.

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

YUNIRÜBO RHIMO 18:21

tüshe arü chamachihde apinü arü ki tha, “Thrünpuhnü mulongsho I nüsa kilim alode arübah,” tüsho apinü Efisia chingnü tsahmusu.

YUNIRÜBO RHIMO 23:30

Tüsho küyimki ha mihtsürü azhihde rük yimkhi I ki thakhea, inü khülangki api nü kilim thiyichoh. Api azhihrü kilim she nü ki arü lümkhi thashihpü inü thiyukhüm jihdo.”

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

ROMRÜ KILIM PAULNÜ ATHRÜTKHI KIHÜM HUHTANYU 12:18

Kuksho, nünü alala ki mungtsü laang.

ROMRÜ KILIM PAULNÜ ATHRÜTKHI KIHÜM HUHTANYU 14:19

Tümünü mungtsü thsücho tüsho bekihchonü isanü yananü.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:33

Mungtsü Thrünpuh nüsa alala lung laang. Amen.

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

1 KORINT 1:10

Keoniorübo, nüsa alala arihakode nüsa bolung achamnak mülapü tüsho lümkhi rukhüh tüsho zanzhak rukhüh ching arihakopü inü nüsa ki tuthsukchoh.

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

2 KORINT 13:14

Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.

2 KORINT 13:9

Küyimki isa reangmüzahba tüsho nüsa reangzahbanü isanü asühchoh, isa tamkhüntamnü ju nüsa alü thsüpü thsungkheak ah.

EFISIA 4:12

tankih rhimo thsungkheak amüsührü düküngshihpü, Khrista pang zokihshihpü,

EFISIA 4:3

mungtsü shuründe Me arihako lapü mulong jihang.

EFISIA 6:23

Abuh Thrünpuh tüsho Atungpuh Jisu Khrista kilimnü mungtsü tüsho akin bede amuzho lashang.

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

FILIPI 3:16

Isanü khiunga lakhi thiyuro ju lang tholoanü.

FILIPI 4:2

Inü Euodia tüsho Syntake ki keoniorü nangde Atungpuh lung arihang de mushuchoh.

FILIPI 4:4

Atungpuh lung kamruhroro asühang; inü thalochoh, asühang.

FILIPI 4:9

Nüsanü I kheaknü tümü anikhitde, leangkhide, sode tüsho ngüdünü rhimoang; tüsho Thrünpuh mungtsü nüsa lung labah.

1 TESALONIKA 3:10

Isanü nüsa shorubah nüsa akin ching musuhdahkhi jihpü azhing ayin isanü khide mushude tamkhüntamnüchoh.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

1 TESALONIKA 4:18

Jumonü harü yubonü khülangnü khülang mulong shukheamachihang.

1 TESALONIKA 5:13

tüsho rhimo dünkheaknü amuzho ching khide changde arü ki wüntre jihang. Nüsa bolung mungtsü laang.

1 TESALONIKA 5:16

Kamruhroro asühachihang,

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

2 TESALONIKA 3:1

Akheam ching keoniorübo, isa thsungkheak tamkhüntamnüjang, junangde nüsa lung rhimokhi nangde Atungpuh yu nahnahde abubah tüsho wüntrede akambah,

2 TESALONIKA 3:16

Kheakü mungtsü Atungpuhnü kim tüsho limro alala ching nüsa kilim mungtsü jihshang. Atungpuh nüsa alala lung laang.

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

JAKOB 1:4

Tüsho nüsa tümü muzholümde, khiukdahde tüsho thülünde alapü thsüde arümkheam ju rünkhiungshang.

1 PETER 3:11

Apinü amütsü chingnü rholobah atsü rhimobeah; apinü mungtsü yimbeah tüsho ju müshambeah.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

AMIKHEAKAKHIUKKHI 22:21

Atungpuh Jisu amüthsüm amüsührü alala lung laang. Amen.