2 KORINT 12:6 - AMÜSÜH HÜM CL Bible (BSI)

⁶ Inü akükheangpü thsüa lalashe, I mümakha, tümütüsho inü thiyuro asukbah, tüshe inü jude müthsü, junangde shenü she I kheak ngükhi yungsho asokhi hobah I dünkheak alü mülümde alabah.

2 KORINT 12:6 Iomraidhean Croise

JOB HU H T ANYU 24:25

Jude yungsho, I akeangyu tharü ah de tüsho inü athakhi ching tümü müla de shepünü mütsanjihba?

ROMRÜ KILIM PAULNÜ ATHRÜTKHI KIHÜM HUHTANYU 9:1

Khrista ching inü thiyuro thachoh, inü akeangyu mütha; Amüsüh Me ching I lümkhinü thiyumütsan jihchoh,

1 KORINT 3:5

Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

2 KORINT 1:18

Atsütsü Thrünpuh ju thiyuro lakhinü, nüsa kilim isa yu “Am” tüsho “Yung” de mülakheah.

2 KORINT 11:16

Inü thalochoh, I makharü de shenü dülümshih; tüshe nüsanü jude thsüa lasho, makharü nangde I leangkhiang, junangde inü anikhüh kükheangpü labah.

2 KORINT 11:31

Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah.

2 KORINT 12:11

I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah.

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.

2 KORINT 5:13

Tümütüsho isa ju isa tsangde lasho, ju Thrünpuh thsungkheak lah; isa ju isa lümkhi alungki ching lasho, ju nüsa thsungkheak lah.

2 KORINT 7:14

Tümüde inü nüsa dünkheak api ki kükheangkhi ching nüsanü I achih müngüshih; tüshe isanü nüsa ki thakhi lüpdükhi thiyuro lakhi nangde, Tita miki isanü kükheangkhi thiyuro mütsando.