2 KORINT 12:21 - AMÜSÜH HÜM CL Bible (BSI)

²¹ Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

2 KORINT 12:21 Iomraidhean Croise

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

EZRA 9:3

Inü küyimki ha sokhea, inü I khim thorüp tüsho I kuyü le I münnam thokhibah tüzhode bin.

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

ABEKHIT 32:31

Jumonü Mosanü Atungpuh kilim alode yü tüsho tha, “O, harü mihtsürünü tode neak yihbeakdo, tüsho arü thsungkheak suna thrünpuh thsüa lah!

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

ROMRÜ KILIM PAULNÜ ATHRÜTKHI KIHÜM HUHTANYU 9:2

junangde I mulong ching mulong rozhak ato tüsho mükheamkhi thsünü lah.

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

2 KORINT 10:6

Nüsanü mihyuanikhi adüngakhi thsüsho, isanü mihyumanirü aban thsümüchipü thsakhama lah.

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.

2 KORINT 13:2

I nüsa lung mahne kipü lachoki inü nüsa ki düh de thaabahdo. Kheakü I mülachoki thalochoh: I alode arüchoki püpüki neak yihbeakrü yungsho püpürü she inü müdükhe,

2 KORINT 8:24

Jumonü nüsa amuzho tüsho nüsa dünkheak isa kükheangkhi borübonü angüpü thsüde harü mihtsürübo ki amütsan jihang.

GALATIA 5:19

Kheakü shih rhimo mütsande lah: müzammüram, mümüsühkhi, yüliyürakhi,

YUZÜNGTHALO 9:15

“Jumonü I rholobah müzüng chingnü aki tüsho müzüng ju monü takde alakheah; tüsho tangzüng lungbeak mahne ju I khah ching lakheah.

YUZÜNGTHALO 9:25

“Jumonü inü Atungpuh miki nimung yirü tüsho tsüngre yirü mükhüm; tümütüsho Atungpuhnü nüsa dükheakshihbah de tha.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

JUDNÜ ATHRÜTKHI KIHÜM HUHTANYU 1:23

mo chingnü züngkhitde khürü khümkhitang; tüsho khürü ki trezung thsüde mihmüthsüm huhang, tüshe arü yüliyürakhi neakbonü amüneankhi khimmihbo thraneanang.

JUDNÜ ATHRÜTKHI KIHÜM HUHTANYU 1:7

junangde, Sodom le Gomorra tüsho ju mühi kiutobonü müzammüram tüsho amülim rhimo. Arünü akheam müla mo ching thsümüchinü amütsan thsü.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

1 SAMUEL 15:35

Samuelnü api shekhün ching yüzahde Saul müngüdebah, tüshe apinü Saul dünkheak tüzho. Tüsho Atungpuhnü Saul ju Israel kurungkheak kiulongthsürü thsüshihkhi dünkheak api mulong ashide lüm.