2 KORINT 12:20 - AMÜSÜH HÜM CL Bible (BSI)

²⁰ Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

2 KORINT 12:20 Iomraidhean Croise

MUNGSHIKHÜN 41:7

I thraneanrü alala rukhühnü I azhihde jikjikrarachoh; I azhihde I yuripü arünü rük asahchoh.

MÜCHITMUDU 16:28

Mülapmüji mihtsürünü rukachih akhiukshihchoh, tüsho juphityuphitnü müyamrü khungbo thraza thsüjihchoh.

ROMRÜ KILIM PAULNÜ ATHRÜTKHI KIHÜM HUHTANYU 1:29

Arü ju mihbukmuyuk, amütsü, yihnelune, lungchihpünü mide kam. Mükthsü, mihlaksah, rukachih, mülapmüji, mükzahlungzah, jipjiprara,

ROMRÜ KILIM PAULNÜ ATHRÜTKHI KIHÜM HUHTANYU 1:30

dünthamungtha, Thrünpuh thraneanrü, mükmürüm, lungkhangkhi, kükheangkhi, amütsü rhimo, berübuhrü ki mihyumanikhi,

ROMRÜ KILIM PAULNÜ ATHRÜTKHI KIHÜM HUHTANYU 2:8

Tüshe yihnelunerü tüsho thiyuro bahyukbah amütsü yimrü thsungkheak mulong zhipzhip tüsho bukakhiuk labah.

1 KORINT 1:11

Tümüde I keoniorübo, nüsa bolung rukachihkhi lah de Kloe yamkhün mihtsürünü I ki thiyusheak jihdo.

1 KORINT 14:33

Tümütüsho Thrünpuh ju neamneamruru yo yung tüshe mungtsü Thrünpuh ah. Amüsührü borübo alala ching,

1 KORINT 5:2

Tüsho nüsa kükheanglah. Nüsanü ju müthri tüzhobe yung de? Nüsa bolung shepünü ha rhimokheanü yihkhita bahang.

2 KORINT 1:23

Nüsa muzhokhinü I nüsa kilim Korint ching alode marü de I yumütsan thsüde inü Thrünpuh jichoh.

2 KORINT 10:2

Küyimki I arübanü, isa ha lomi yakli yande lah de alümrü mihtsürü khürü ki inü alümkhi nangde thiyu mütode alabah de nüsa ki mushuchoh.

2 KORINT 10:6

Nüsanü mihyuanikhi adüngakhi thsüsho, isanü mihyumanirü aban thsümüchipü thsakhama lah.

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

2 KORINT 13:2

I nüsa lung mahne kipü lachoki inü nüsa ki düh de thaabahdo. Kheakü I mülachoki thalochoh: I alode arüchoki püpüki neak yihbeakrü yungsho püpürü she inü müdükhe,

2 KORINT 2:1

Nüsa mulong tukthsüshihpü thsüde I nüsa kilim marülo de inü lüma lu.

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

GALATIA 5:26

Isanü khülangnü khülang ki mükükheangnü, bukmakhiukshihnü yungsho mulungkhangnü.

JAKOB 4:11

Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.