2 KORINT 12:15 - AMÜSÜH HÜM CL Bible (BSI)

¹⁵ Nüsa me thsungkheaknü inü asühde bahzübahdobah tüsho I she shuhmülanga jihbah. Inü nüsa khide muzhosho, I a nükde amuzhoba de?

2 KORINT 12:15 Iomraidhean Croise

2 SAMUEL 13:39

Tüsho kiulongthsüpuh mulong ching Absalom lümrhihde yüabah; tümüde kheaküa Amnon shekhi dünkheak api mulong shukheamabah.

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

ROMRÜ KILIM PAULNÜ ATHRÜTKHI KIHÜM HUHTANYU 9:3

Tümüde I keoniorü, I buhtsührü, I mihtsürü dünkheaknü I muthrumüneana tüsho Khrista kheaknü chamkhia lah de inü lüm.

2 KORINT 1:14

nüsanü chamkhüh anikhitkhi nangde, Atungpuh Jisu nimung ching isanü nüsa dünkheak nangde, nüsanü isa dünkheak kükheangbah.

2 KORINT 1:6

Isa thsünüsho, ju nüsa thsungkheak mulong shukheam tüsho akhümkhit lah; tüsho isa mulong shukheamsho, ju isa thsünükhi nangde nüsanü arümkheamde thsünükhi nüsa thsungkheak mulong shukheam lah.

2 KORINT 11:11

Inü nüsa mümuzhomonü ha thacho de? Inü muzholah de Thrünpuhnü mükheahlah!

2 KORINT 12:14

Kheakü inü mahsam kipü nüsa rhuakheahpü thsakhambah lah, tüshe I nüsa ki hahmülang mükam, tümütüsho inü alunekhi ju nüsa lakhit yung tüshe nüsa ah; tümüde tsührübonü bebuhrü khilim yung tüshe bebuhrübonü tsührübo khilim zojihbeah.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

2 KORINT 2:3

I asühshihpü larünü I mulong mutukthsüshihbeah de lümbah inü thrütdo, tümüde I asühkhi ju nüsa alala asühkhi labah de nüsa alala kheak mulonglam lah.

2 KORINT 4:12

Jumonü ashekhinü isa kheak rhimode lah, tüshe nüsa kheak rhangdung lah.

2 KORINT 7:2

Isa kilim nüsa mulongbo khimshuhang; isanü she ki amülim müthsü, isanü she ki müthsümünim, isanü she ki mülapyukde mürhimo.

2 KORINT 7:3

Inü ha nüsa bahyukde mütha, tümüde inü akhuhlim, rukhüh shepü tüsho rukhüh lapü nüsa ju isa mulong ching lah de thado.

GALATIA 4:10

Nüsanü nimungbo, khinubo, akheahmünchibo, tüsho kambo arüngchoh!

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

1 TESALONIKA 2:8

Jumonü, nüsa khide amuzhokhinü isanü nüsa ki Thrünpuh thiyusheakatsü lang yung tüshe isa nihbuh rhangdung she ajihpü thsakhambah alakheah, tümütüsho isanü nüsa khide muzhode kam.

2 TIMOTHI 2:10

Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah.

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.