2 KORINT 12:1 - AMÜSÜH HÜM CL Bible (BSI)

¹ Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü.

2 KORINT 12:1 Iomraidhean Croise

EZEKIEL 11:24

Menü I shuhkih tüsho Thrünpuh menü ajikhi michih ching I Babilon ching ramtsorü kilim bedarü. Judüki inü angükhi michih I kheaknü yükihabah,

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

JOHAN 16:7

Tütüshe inü nüsa ki thiyuro thachoh. I yükhi ju nüsa yihnüpü lah; tümüde I müyüsho, arungrü nüsa kilim marü; tüsho I chamachihsho, inü nüsa kilim api arüshihbah.

JOHAN 18:14

Mihtsürübo dünkheak mihtsürü khülang ashepü tsülah de Jihudarü ki ajuhkhi ju Kaifa lakheah.

YUNIRÜBO RHIMO 18:9

Tüsho tsüngre khülang Atungpuhnü Paul ki michih chingnü tha, “Dütre, tüshe asukang tüsho zhikde düla;

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

1 KORINT 10:23

“Alala amülübe lah,” tüshe alala alü thsübe yung. “Alala amülübe lah,” tüshe alala a athsülim yung.

1 KORINT 14:6

Keoniorübo, inü nüsa ki thiyutha chingnü thade arüsho, nüsa kilim amikheak akhiukkhi, mükheahmudu, müchitkhi, yungsho thsangyukhi khürü hande marüsho, inü küde thsah nüsa alü thsüjihpü?

1 KORINT 6:12

“Alala I thsungkheaknü amülükhi lah,” tüshe alala a alü thsübe yung. “Alala I thsungkheaknü amülükhi lah,” tüshe tümünü she I azhorü mükamshih.

2 KORINT 12:11

I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah.

2 KORINT 12:5

Hadürü mihtsürü dünkheak inü kükheangbah, tüshe I reangmüzahkhibo dünkheak düna, I dünkheak inü mükükheang.

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

2 KORINT 8:10

Tüsho hadürü dünkheaknü I athsunganah jihchoh: ahobe kam nüsanü atankihkhi ju arhimopü lang yungde amulongpü lakhi, kheakü nüsanü abanpü tsülah,

GALATIA 1:12

Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü.

GALATIA 2:2

Tüsho amikheak akhiukkhi hode I wutu, tüsho inü khiungkerü bolung thsangyuthsangrakhi thiyusheakatsü, I akeangkeang ching rhimode yungsho rhimoa labah mütsüle de limberübo ki mükhingde thanaka huh.

EFISIA 3:3

ju inü akhihkhüh thrütkhi amikheak akhiukkhi I kilim huhkhi aramyu lah.

1 TESALONIKA 4:15

Tümüde isa sherü Atungpuh arüpü khiungde rhangdung lanü asherü kheaknü akhuhde müyü de Atungpuh yu hode isanü nüsa ki khipkhitchoh.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.