2 KORINT 11:3 - AMÜSÜH HÜM CL Bible (BSI)

³ Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 11:3 Iomraidhean Croise

THRÜNTAN 3:1

Kheakü Atungpuh Thrünpuhnü athrünkhi shiwüh alala kheaknü phuruto ju rük amütsü lakheah. Tüsho phurutonü alibe ki keokhi, “Atsütsü shahwün ching lakhi sangdung küpü kheaknü she mütsühpü Thrünpuhnü thadü de?”

THRÜNTAN 3:13

Atungpuh Thrünpuhnü alibe ki tha, “Tümü thsükhi nünü ha rhimokhea?” Alibenü alo, “Phurutonü I mülapyukjih, tüsho inü tsüh.”

THRÜNTAN 3:20

Tüsho Adamnü aniube ki Eve de ji, tümütüsho anihbe mihtsürü alala abe ah.

THRÜNTAN 3:4

Phurutonü alibe ki tha, “Nüsa atsütsünü müshe.

MUNGSHIKHÜN 119:53

Mihbukmuyuknü nü yakzan bahyukde inü angüchoki, I mulong zhipzhipde kamchoh.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

ROMRÜ KILIM PAULNÜ ATHRÜTKHI KIHÜM HUHTANYU 12:8

shepünü tuthsukchonü, apinü atuthsukkhi ching; shepünü rungzürungdochonü, salakhi ching; shepünü limbechonü, jinjihde; shepünü mihmüthsüm huhchonü, asühsahdo rhimoang.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 11:20

Khürünü junono she, muyuyu she, jangkhikhi she, nihbuh shuhkihkih she, nüsa miro kheak damdam she nüsanü arümchoh.

2 KORINT 11:29

Küyimki khürü reangmüzahbanü, I she reangmüzahde kamchoh; küyimki khürü neak yihbeakbanü, I lümthsününü mide kamchoh.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

GALATIA 1:6

Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

GALATIA 3:1

O makhakhi Galatiarü! Nüsa mük ki Jisu Khrista yümkihkhi mütsande ngübahle shenü nüsa bephülapkhea?

GALATIA 4:11

Nüsa thsungkheak I akeangkeang ching rhimoa lashi de I mulong sansanlah.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

EFISIA 4:22

Khakhih nüsa rhangdung yakli tüsho mülapmüji shihkünkhi hode athsümünimkhi bahang,

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

KOLOSI 2:4

Shenü she thiyu akenü nüsa mümülapyukshihpü inü ha thachoh.

KOLOSI 2:8

Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

1 TESALONIKA 3:5

Ha dünkheaknü, küyimki inü marümkhukde akamkhea, rükakirünü nüsa rükakide tüsho isa khisahkhi akeangkeang kambah de lümbah inü nüsa akin mükheahpü thiyikheah.

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

1 TIMOTHI 2:14

tüsho Adam mümülapyuk, tüshe alibe mülapyuk tüsho athsümünimrü kam.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

TITA 1:10

Tümüde ahihkhüh mihyumanikhi mihtsürü, akeangkeang asukrü tüsho mülapmüjirü, adungto thsüde tsütabahrü bolungnü lah;

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

2 PETER 3:17

Jumonü amuzho müyamrübo, nüsanü ha mükheahla le, mihbukmuyuk mihtsürü amülimnü nüsa bede mutsopü tüsho nüsa düküngkhi chingnü mangakpü kurhangang.

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

1 JOHAN 2:18

Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 12:15

Phurutonü anihbe ju kekingnü zünde atsopü thsüde amün chingnü ayung nangde ke bukkhitshih.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 20:2

Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,