2 KORINT 11:23 - AMÜSÜH HÜM CL Bible (BSI)

²³ Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 11:23 Iomraidhean Croise

JEREMIA 36:5

Tüsho Jeremianü Baruk ki thiyukhüm jihde tha, “ I Atungpuh yam ching yüzahpü mümülü;

YUNIRÜBO RHIMO 14:19

Tüshe Jihudarübo Antiok tüsho Ikonium chingnü ju ching arü; tüsho mihtsürübo münita lubah Paul ju ashepü thsüde lungnü kingbah kiuto chingnü yankhita bah.

YUNIRÜBO RHIMO 20:23

Kiuto aban rihyam ching lapü tüsho küpkhuk shorupü Amüsüh Menü athakhi lang inü mükheahlah.

YUNIRÜBO RHIMO 21:11

Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.”

YUNIRÜBO RHIMO 25:14

Küyimki arü ju ching nimung ahihkhüh mungkhea, Festanü Paul dünkheak kiulongthsüpuh ki tha: “Felixnü aramrü thsüde alashihkhi mihtsürü khülang lah;

YUNIRÜBO RHIMO 27:1

Tüsho küyimki isanü Itali ching yüpü pungkhikhea, arünü Paul le aramrü püpürü khürü Augusta Bonungrü atorü Julio kilim jih.

YUNIRÜBO RHIMO 28:16

Küyimki isa Rom khiungkhea, Paul ju api aheangpü bonungrü bede alangzü lapü mülü.

YUNIRÜBO RHIMO 28:30

Judüki Paulnü kam mahne amuyung müshihyih-yam ching la, tüsho api ki arürü alala beyuk.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

ROMRÜ KILIM PAULNÜ ATHRÜTKHI KIHÜM HUHTANYU 8:36

Ha thrüta lah, “Nü dünkheaknü isa nimung amuyung laksah; isa ju alaksahpü lakhi namfimihnunu nangde khejih.”

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

1 KORINT 3:5

Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

1 KORINT 4:1

Hanangde mihtsürübonü isa ju Khrista yamlarü tüsho Thrünpuh aramyu atoathüprü khejihbeah.

1 KORINT 4:11

Ha kim khiungde isa khümkethürilah, khimmürhüt phuyulah, khitode shikdo, isa lapung mümütsan,

1 KORINT 4:9

Tümüde mihtsürü sheshihkhi nangde akheam thsüde Thrünpuhnü isa amüsüh-thsangyurü ah de huhdo dükhi inü lümlah; tümütüsho isa ju alomi, yunirü tüsho mihtsürübo ki mükkheahdung kamdo.

2 KORINT 10:7

Nüsa mükbo ki tümü lanü kheahchoh. Khürünü api Khrista yo ah de mütsansho, isa nangde api ju Khrista yo ah de lümloshang.

2 KORINT 11:5

Tüshe “adungto amüsüh-thsangyurü” bolung I aninibe ah de inü mülümchoh.

2 KORINT 3:6

Apinü isa ju yakzan thrütkhi yo yungde Me ching tangzüng aso tankihrü thsüpü thülünde kamshih; tümüde yakzan thrütkhinü laksahchoh, tüshe Menü rhangdung jihchoh.

2 KORINT 4:11

Tümütüsho isa ashebe pang ching api rhangdung ngüpü thsüde Jisu dünkheaknü isa rhangdung kamruhroro atrebe ashepü ching lakheah.

2 KORINT 6:9

mümükheahde la, tüshe tsüde mükheahabah; shede la, tüsho kheahang isa arhang lah; thsümüchia la, tüshe mülaksah;

GALATIA 6:17

Kheakünü rünbah mihtsürü shenü she I küpkhuk düjihshih; tümüde inü I pang kheak Jisu yo areakbo hanlah.

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 6:20

ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.

FILIPI 1:13

Junangde kiulongthsürüyam aheangrü tüsho aningkhi alalanü Khrista thsungkheak I rihyam ching lah de mükheah;

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

1 TIMOTHI 4:6

Nünü harü thsangdankhibo keoniorübo ki thasho, nü ju thiyuro akin tüsho nünü anide alakhi thsangyukhi atsü ching bezokhi, Jisu Khrista tankihrü atsü thsübah.

2 TIMOTHI 1:16

I alochode reangzahshihkhi thsungkheak Onesiphora yamkhün kilim Thrünpuhnü mihmüthsüm jihshang; I rihyam ching lakhi apinü machih,

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.

2 TIMOTHI 3:11

thsümüchikhi, thsünükhi, Antiok le Ikonium tüsho Lystra ching I kheak dünjibah inü arümkheamkhi mükheahdo; tütüshe jurü alala chingnü Atungpuhnü I khümkhit.

PHILEMON 1:9

amuzho chingnü inü nü ki mushuchoh. I Paul, Jisu Khrista limburü tüsho kheakü aramrü–

IBRI 10:34

Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah,