2 KORINT 11:20 - AMÜSÜH HÜM CL Bible (BSI)

²⁰ Khürünü junono she, muyuyu she, jangkhikhi she, nihbuh shuhkihkih she, nüsa miro kheak damdam she nüsanü arümchoh.

2 KORINT 11:20 Iomraidhean Croise

ISAIA 50:6

Inü I shikrü kilim I düthsün jih, tüsho mükhühnam rukrü kilim I ngobo jih; inü mükhemükim tüsho mükeke mukhiukkhi chingnü I miro müjik.

TÜZHOKHI 3:30

Amüchip damrü kilim amüchip leangshang, tüsho mükhemürangnü mishihang.

MARK 12:40

shepünü khimoberü yambo thsümünimcho, tüsho rük thsüde ashangshang tamkhüntamnücho. Arü abahyukkhi ato leangkhibah.”

LUKNÜ ATHRÜTKHI THIYUSHEAK-ATSÜ HUHTANYU 6:29

Shepünü nü müchip kheak damchonü, püpü thrip she leangjang; tüsho khürünü nü pangkhümpüniuniu lusho, nü pangkhümpü she lushang.

1 KORINT 4:11

Ha kim khiungde isa khümkethürilah, khimmürhüt phuyulah, khitode shikdo, isa lapung mümütsan,

2 KORINT 1:24

Nüsa akin kurungkheak isanü thiyuzüng mahori, tüshe nüsa asühpü thsüde rukhüh rhimorübo ah; tümüde akin hode nüsa düküngde zhiplah.

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 12:16

Nüsa ki hahmülang müjih de nüsanü amulongbah. Tüshe inü rük thsüde nüsa mülapyukdo de nüsa khürünü thachoh!

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

GALATIA 4:25

Kheakü Hagar ju Arabia ching Sinai Müzüng ah; alibenü kheakü lakhi Jirusalem thapü ayelah, tümüde alibe ju atsührübo lungnü azhorü kuhi ching lah.

GALATIA 4:3

Junangde küyimki isa azürü lakheanü alomi yuzüng bukkhüp lakheah.

GALATIA 4:9

tüshe kheakü, nüsanü Thrünpuh mükheahdo, yungsho Thrünpuhnü mükheahdo, küde thsah nüsanü jurü bukkhüp azhorü kamlopü reangmüzahkhi tüsho achimudo yuzüngbo lim rholoba?

GALATIA 5:1

Zuzu thsungkheaknü Khristanü isa zuzu kamshih; jumonü düküngde zhipang, tüsho azhorü sangshuh ching düshuhlo.

GALATIA 5:10

Nüsanü püpü lümkhi müthsüpü inü Atungpuh kheak mulongram lah. Nüsa yingyingshihbuh ju shepü shepü thsüthsü she Atungpuhnü thsümüchibah.

GALATIA 6:12

Sherünü amikheak atsü huhpü künlanü nüsa reangkiha tsütabahshihpü mürangchoh. Arünü ha rhimokhi amütsan ju Khrista sangkim dünkheaknü thsümüchi tsokhitpü lah.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

1 TESALONIKA 2:5

Isanü küyimkishe mülapmüji yubo yungsho yihnelunede müram–Thrünpuh thiyumütsan ah;