2 KORINT 11:15 - AMÜSÜH HÜM CL Bible (BSI)

¹⁵ Jumonü api yamlarübonü she thiyuro-lungki yamlarübo ah de müthria huhchoki ju jakso yung. Akheam ching arü rhimonü athülünkhi ngübah.

2 KORINT 11:15 Iomraidhean Croise

2 KIULONG THSÜRÜ 5:13

Tüshe api yamlarübonü yübah api ki tha, “Abuh, mürangkhüh wukihbuhnü tümükhüh achak rhimopü nü ki thiyukhüm jihkhülaa, nünü ju mürhimoa laba de? Dale tüsho küdükhüh, apinü nü ki thakhi ju a, ‘ Müsühang, tüsho müsühde kamang?’”

JEREMIA 29:32

jumonü Atungpuhnü ha thachoh: Inü Nehelamrü Shemaia tüsho api tsühsoniusobo thsümüchipü thsüchoh; inü I mihtsürü ki atsü rhimopü lakhi kheahpü thsüde ha mihtsürü bolung api a sheshe alapü yung, Atungpuhnü thachoh, tümüde apinü Atungpuh azhihde asukdo.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

YUNIRÜBO RHIMO 13:10

tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de?

ROMRÜ KILIM PAULNÜ ATHRÜTKHI KIHÜM HUHTANYU 2:6

Tümüde mihtsürü aban apinü arhimokhi yande Thrünpuhnü thsambah jihbah.

ROMRÜ KILIM PAULNÜ ATHRÜTKHI KIHÜM HUHTANYU 3:8

Dale tüsho, “Atsü arüpü thsungkheak isanü amütsü rhimoanü” de isanü tümüde müthapü? Mihtsürü khürünü hadürü thade I mükhemükimdo! Arü thülünde abahyukbah.

1 KORINT 9:11

Isanü nüsa bolung me müjih hiudo. Isanü nüsa kukruk alü thsüde yimlukhi ju hihdakla de?

2 KORINT 11:13

Tümüde hadürü mihtsürübo ju arükchih amüsüh-thsangyurübo, mülapyukrübo, Khrista yo amüsühthsangyurübo de müthria huhchoh.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 3:9

Tümütüsho abahyukbe yakzan ching müretah lakheasho, thiyuro-lungki yakzan a ju kihode müretahbah.

EFISIA 6:12

Tümüde isanü shochihkhi ju shih tüsho thiyih azhihde yung, tüshe yakzanshuhrübo, thiyukhüm-sühmühbo, ha amiting lomi wubo tüsho yinmi kiulongthsübo ching amüneanbo me thrungkhibo azhihde ah.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:2

Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih.

AMIKHEAKAKHIUKKHI 9:11

Arü kurungkheak kiulongthsürü, alokhünbit yunirü lakheah; api mung ju Ibri yu chingnü Abaddon, tüsho Greek yu chingnü Apollyon de ji.