2 KORINT 10:7 - AMÜSÜH HÜM CL Bible (BSI)

⁷ Nüsa mükbo ki tümü lanü kheahchoh. Khürünü api Khrista yo ah de mütsansho, isa nangde api ju Khrista yo ah de lümloshang.

2 KORINT 10:7 Iomraidhean Croise

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

JOHAN 7:24

Amikheaknü mahdükhap, tüshe thiyuro-lungkinü mahkhapang.”

1 KORINT 1:12

Inü athakhi amütsan ju a nüsa mihbüm abannü hade thachoh, “I Paul ruyanrü ah,” yungsho “I Apollo ruyanrü ah,” yungsho “I Kephas ruyanrü ah,” yungsho “I Khrista ruyanrü ah.”

1 KORINT 14:37

Khürünü api wukihrü, yungsho me-larü ah de lümsho, inü nüsa kilim thrütkhi ju Atungpuh yukhüm ah de apinü amükheahbeah.

1 KORINT 15:23

Tüshe mihbüm aban nihbuh kim ching arhang kamloshih: alala kheaknü akhuh Khrista; jushu api arüchoki api yo thsürü labah.

1 KORINT 3:23

tüsho nüsa ju Khrista yo; tüsho Khrista ju Thrünpuh yo.

1 KORINT 9:1

I zuzu müla de? I amüsühthsangyurü yung de? Inü isa Atungpuh Jisu müngü düpü? Nüsa ju inü Atungpuh lung rhimokhitkhi yung de?

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 11:18

Tümütüsho ahihdonü alomi shih yande kükheangchoh, I she akükheangbah.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 11:4

Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah.

2 KORINT 12:11

I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah.

2 KORINT 13:3

tümütüsho Khristanü I hode asukchoh de nüsa künkhi alala nüsanü amütsanbah. Apinü nüsa lung yihnüpü thsüchoki api yiuhyiuhde müla, tüshe nüsa bolung api wu huhchoh.

2 KORINT 5:12

Kheaküshe isanü nüsa ki shilode mütha tüshe isa dünkheak kükheangpü nüsa ki amütsan jihchoh, junangde nihbuh yakli chingnü yungde mihtsürü lalim kheak lülüshishirü ki nüsanü alokhukbah.

GALATIA 3:29

Tüsho nüsa Khrista yo thsüsho, alokhikhi ayannü nüsa ju Abraham müjih tüsho yamrüplurüp lurü ah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”