2 KORINT 10:5 - AMÜSÜH HÜM CL Bible (BSI)

⁵ Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

2 KORINT 10:5 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

2 KIULONG THSÜRÜ 19:22

Shepü nünü keangrükhea tüsho mükhemürangkhea? Shepü azhihde nünü azhikhea tüsho nü mük zhipzhipde azüngkihkhea? Israel Amüsühbuh azhih!

2 KIULONG THSÜRÜ 19:28

Tümütüsho nü bukakhiukde I azhih tüsho nü mulong zhipzhipkhi I nükhün ching arüdo, inü I yo khoyang nü nupung ching yukjihbah tüsho I yo yinchikheam nü mün ching yukjihbah; inü nü arükhi limro lim rholoshihbah.

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

MUNGSHIKHÜN 10:4

Mihbukmuyuknü api kükheangkhi chingnü Thrünpuh müyim; api lüm ching Thrünpuh müla.

MUNGSHIKHÜN 139:2

Nünü I binkhi tüsho asürükhi mükheahlah; nünü I lümkhi limshu chingnü mükheahlah.

MUNGSHIKHÜN 18:27

Tümüde azhihayih mihtsürü nünü bekhitchoh; tüshe mükji müzhingrü nünü thokheamchoh.

MUNGSHIKHÜN 18:44

Arünü I dünkheak soakede I ki mihyuani; khiungkerübonü I ki mükhüm.

ABEKHIT 5:2

Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

MÜCHITMUDU 15:26

Amütsü lümkhibo ju Atungpuh kilim athraneanbe lah, tüshe atsangkhit yubo apinü asühlah.

MÜCHITMUDU 24:9

Makha asahkhi ju neak, tüsho mihtsürübonü luhmünerü thraneanchoh.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

JEREMIA 23:29

Atungpuhnü thachoh, I yu mo nangde yung de, tüsho lungto adütre kamde kingnakbe yümlung nangde yung de?

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

EZEKIEL 17:24

Thulu sang dungbo alalanü I Atungpuhnü sangdung ashang kheamkhishihchoh tüsho sangdung anim shangshihchoh, sangrhangbo yiuhshihchoh tüsho sangshe-dungbo phüyakshihchoh de amükheahbah; I Atungpuhnü asukdo, tüsho inü ju rhimobah.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

LUKNÜ ATHRÜTKHI THIYUSHEAK-ATSÜ HUHTANYU 1:51

Apinü anihbuh binnü sühmüh huhdo; apinü arü mulong ching lülüshishide alümkhi hiumüzütshih.

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

ROMRÜ KILIM PAULNÜ ATHRÜTKHI KIHÜM HUHTANYU 1:5

shepü hode isanü amüthsüm tüsho api mung ching trükshih alala bolung akin ching mihyuanipü amüsüh-thsangyurü thsüpü leangkhikhea,

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

ROMRÜ KILIM PAULNÜ ATHRÜTKHI KIHÜM HUHTANYU 7:23

tüshe I lümkhi yakzan bede thirithsükhi I pang shihcham ching yakzan püpü inü ngüchoh tüsho I ju I pang shihcham ching lakhi neak aramrü kamshihchoh.

1 KORINT 1:19

Tümüde ha thrüta lah, “Lüm larü lümlung inü adükheakshihbah, tüsho rük larü rükri duhmüabahshihbah.”

1 KORINT 3:19

Tümütüsho ha lomi lümlung ju Thrünpuh miki makhakhi lah, tümüde ha thrüta lah, “Apinü arü rükri chingnü lümlung tholochoh,”

2 KORINT 11:20

Khürünü junono she, muyuyu she, jangkhikhi she, nihbuh shuhkihkih she, nüsa miro kheak damdam she nüsanü arümchoh.

2 KORINT 9:13

Ha tankihkhi mütsankhi ching, nüsanü Khrista thiyusheak-atsü mihyuanikhi tüsho arü le püpürü alala thsungkheak salade arungkhi hode arünü Thrünpuh müretahshihbah.

YUZÜNGTHALO 15:9

Kümkangang, jude yungsho nü mulong ching amütsü lümkhi ha labah, ‘Zuzu thsüpü kam athünepü khah ki lah.’ Jumonü nünü nü keoniorü zhochihrü azhihde nü mük zhipzhipbah tüsho nünü api kilim tümü müjih; tüsho nüsa azhihde apinü Atungpuh ki zhikhi hode nüsa bolung neak hande arübah.

FILIPI 4:7

Tüsho anikhitkhi alala kihode alakhi Thrünpuh mungtsünü Jisu Khrista ching nüsa mulong tüsho lümkhibo aheangbah.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.