2 KORINT 10:18 - AMÜSÜH HÜM CL Bible (BSI)

¹⁸ Tümütüsho nihbuh küdah thsüde shilokhinü yung, tüshe shepü Atungpuhnü shijihchonü athülün lah.

2 KORINT 10:18 Iomraidhean Croise

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

MÜCHITMUDU 21:2

Mihtsürü limrobo alala nihbuh mük ki alungki lah, tüshe Atungpuhnü mulongbo adünchoh.

MÜCHITMUDU 27:2

Nü münnü yungde püpürünü nü shishang–hanrünü she; küyimkishe nü küdahnü a düh.

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

JOHAN 12:43

tümüde arünü Thrünpuh mungshi kheaknü mihtsürü mungshi alü muzhodo.

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 14:18

shepünü hanangde Khrista tankihchonü Thrünpuh kilim aleangkhikhukbe tüsho mihtsürünü am de thachoh.

ROMRÜ KILIM PAULNÜ ATHRÜTKHI KIHÜM HUHTANYU 16:10

Khrista kheak thiyuro lakhi Apelles ki salüm jihang. Aristobula yamkhün ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 2:29

Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

1 KORINT 11:19

Tümüde nüsa bolung achamnakbo labah, junangde alim larübo mütsanbah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 10:12

Sherünü küdah thsüde shilochonü isanü arü kheak mazhih yungsho makeachihpü mürangchoh. Küyimki arünü arü adünba tüsho arünü arü kheak akeakheahba, arü lümlung müla.

2 KORINT 13:7

Kheakü nüsanü amülim tümü mürhimopü isanü Thrünpuh ki tamkhüntamnüchoh. Rükakheahkhi isanü kukdo de mihtsürünü angüshihbe yung tüshe isa mukukzamkhi nangde lalashe nüsanü tümü alimanü arhimobah.

2 KORINT 3:1

Kheaküshe isanü nihbuh shilopü tankihcho de? Yungsho khürünü arhimokhi nangde, nüsa kilim yungsho nüsa kilimnü mungshi kihüm yihnüpü la de?

2 KORINT 5:12

Kheaküshe isanü nüsa ki shilode mütha tüshe isa dünkheak kükheangpü nüsa ki amütsan jihchoh, junangde nihbuh yakli chingnü yungde mihtsürü lalim kheak lülüshishirü ki nüsanü alokhukbah.

2 KORINT 6:4

tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo,

2 TIMOTHI 2:15

Nü küdah thsüde tsülah dükhi khülang, machihde arhimorü tüsho thiyuro yu lungkide thsangyurü nangde Thrünpuh miki lang.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.