2 KORINT 10:12 - AMÜSÜH HÜM CL Bible (BSI)

¹² Sherünü küdah thsüde shilochonü isanü arü kheak mazhih yungsho makeachihpü mürangchoh. Küyimki arünü arü adünba tüsho arünü arü kheak akeakheahba, arü lümlung müla.

2 KORINT 10:12 Iomraidhean Croise

JOB HU H T ANYU 12:2

Lümshangmang müla, nüsa mihtsürü ah, tüsho lümlung nüsa lungnü ashebah.

MÜCHITMUDU 25:27

Mukhuke hihde atsühkhi, yungsho nihbuh mungshipü yimkhi ju atsü yung.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

MÜCHITMUDU 27:2

Nü münnü yungde püpürünü nü shishang–hanrünü she; küyimkishe nü küdahnü a düh.

LUKNÜ ATHRÜTKHI THIYUSHEAK-ATSÜ HUHTANYU 18:11

Pharisibuhnü zhip tüsho tamkhüntamnü, ‘Thrünpuh, I a püpürü mihtsürübo–jangkhijangrarü, thiyuro mülarü, müzammüramrü, yungsho ha ruk-threbuh nangde mülakhi hode nü ki makshe jihchoh.

ROMRÜ KILIM PAULNÜ ATHRÜTKHI KIHÜM HUHTANYU 15:18

Inü athakhi tüsho arhimokhinü, khiungkerünü Thrünpuh ki mihyuanishihde Khristanü I hode akuk ngükhi kheak hode inü tümü she müthanü–

2 KORINT 10:11

Isa mülachoki isa kihüm hode tümü thachonü isa bechoki jude thsüchoh de hadürü mihtsürünü anikhitshang.

2 KORINT 10:18

Tümütüsho nihbuh küdah thsüde shilokhinü yung, tüshe shepü Atungpuhnü shijihchonü athülün lah.

2 KORINT 3:1

Kheaküshe isanü nihbuh shilopü tankihcho de? Yungsho khürünü arhimokhi nangde, nüsa kilim yungsho nüsa kilimnü mungshi kihüm yihnüpü la de?

2 KORINT 5:12

Kheaküshe isanü nüsa ki shilode mütha tüshe isa dünkheak kükheangpü nüsa ki amütsan jihchoh, junangde nihbuh yakli chingnü yungde mihtsürü lalim kheak lülüshishirü ki nüsanü alokhukbah.