2 KORINT 10:1 - AMÜSÜH HÜM CL Bible (BSI)

¹ I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 10:1 Iomraidhean Croise

MUNGSHIKHÜN 45:4

Thiyuro tüsho alungki tsunglopü thsungkheak akukkhi lim beang; nü sühmühnü akuk ato ngübah!

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

MATHI 21:5

“Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

YUNIRÜBO RHIMO 8:32

Kheakü khede alakhi amüsühyu ju ha lakheah: “Namfimihnu alaksahpü bede ayükhi yungsho namfimihnununü anam-rhiprü miki zhikde alakhi nangde, apinü amün mükhimshuh.

ROMRÜ KILIM PAULNÜ ATHRÜTKHI KIHÜM HUHTANYU 10:20

Tüsho Isaianü mulong tode thachoh, “I müyimrünü I ngü; I dünkheak mükeokhirü ki inü I huh.”

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 15:15

Tüshe ju yubo dünkheak lang lümkhitloshihde khide mulong tode inü nüsa kilim thrütdo, tümütüsho Thrünpuhnü I kilim amüthsüm jihkhi hode

1 KORINT 2:3

Tüsho I nüsa lung ayiuhyiuhkhi, trede tüsho ajankhi ching lakheah;

1 KORINT 4:10

Khrista dünkheaknü isa makharü, tüshe nüsa a Khrista ching lümlung larü. Isa yiuhyiuhlah, tüshe nüsa müranglah. Nüsa wüntre ching lah, tüshe isa bahyuka lah.

1 KORINT 4:21

Nüsanü küpü mulongla? Tso khülang, yungsho muzhode athünak me chingnü I nüsa kilim arüba shi?

2 KORINT 10:10

Tümüde khürünü thachoh, “Api kihümbo mülanglah tüsho müküplah, tüshe api lachokia thünaklah, tüsho api yu thakhi tümü she yung.”

2 KORINT 10:2

Küyimki I arübanü, isa ha lomi yakli yande lah de alümrü mihtsürü khürü ki inü alümkhi nangde thiyu mütode alabah de nüsa ki mushuchoh.

2 KORINT 10:7

Nüsa mükbo ki tümü lanü kheahchoh. Khürünü api Khrista yo ah de mütsansho, isa nangde api ju Khrista yo ah de lümloshang.

2 KORINT 11:21

Ju thsungkheak isa khide reangmüzah de I achihbe thsüde inü thachoh! Tüshe khürünü tümüpürü dünkheak kükheangpü mürangchonü, inü she ju dünkheak kükheangpü mürangchoh de makharü khülang nangde thachoh.

2 KORINT 11:30

Inü kükheanganü dükhülaa, I reangmüzahde ahuhkhibo dünkheak inü kükheangbah.

2 KORINT 12:5

Hadürü mihtsürü dünkheak inü kükheangbah, tüshe I reangmüzahkhibo dünkheak düna, I dünkheak inü mükükheang.

2 KORINT 3:12

Tümütüsho isa hadürü mulonglam lakhinü, isa khide mulong tolah.

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

2 KORINT 7:4

Inü nüsa kheak mulongram ato lah; nüsa hode kükheangkhi ato lah; I a sühakhimnü mide lah. Isa thsünü alala ching I khide asühdo.

GALATIA 4:13

pang ching thsünü lakhi hode akhuhlim inü nüsa ki thiyusheakatsü thsangyudo de nüsanü mükheahlah;

GALATIA 5:2

Kheakü nüsanü tsütabahsho nüsa thsungkheaknü Khrista ju tümü yihnüpü müla de I Paulnü nüsa ki thachoh.

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

FILIPI 4:5

Nüsa arümkheamachihkhi alalanü mükheahshang. Atungpuh thüninde lah.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

2 TESALONIKA 3:17

I Paulnü, ha salüm I khahnü thrütchoh. I yo kihüm aban ching ha amütsan dokhi lah; inü ha ruk thrütchoh.

PHILEMON 1:19

I Paul, I khahnü ha thrütchoh, inü ashaklobah–nünü I kilim, nü jihpü lakhi she inü tümü müthachoh.

PHILEMON 1:9

amuzho chingnü inü nü ki mushuchoh. I Paul, Jisu Khrista limburü tüsho kheakü aramrü–

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.