2 KORINT 1:4 - AMÜSÜH HÜM CL Bible (BSI)

⁴ shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

2 KORINT 1:4 Iomraidhean Croise

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 32:7

Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 66:16

Nüsa Thrünpuh trerü alala, arang tüsho aniang, tüsho apinü I me thsungkheak tümü rhimoa lanü inü athabah.

MUNGSHIKHÜN 86:17

I ki atsü thsungkheak amütsan khülang huhang, junangde sherünü I thraneanchonü ju ngübah tüsho achihbah, tümütüsho Atungpuh , nünü I rung tüsho I mulong shukheamjih.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 40:1

Shukheamang, O I mihtsürü shukheamang, nü Thrünpuhnü thachoh.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

JOHAN 14:16

Inü I Buh ki tamkhüntamnübah, tüsho apinü nüsa kilim arungrü püpü jihbah, junangde apinü nüsa lung lünnü alabah–

JOHAN 14:18

“Inü nüsa mürerübo nangde mübahjih; I nüsa kilim arübah.

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

2 KORINT 7:13

Jumonü isa mulong shukheam lah. Tüsho isa mulong shukheamkhi kheak khiode Tita asühkhi ching isanü alü asühachihchoh, tümütüsho nüsa alalanü api lümkhi sühakhimshih.

2 KORINT 7:4

Inü nüsa kheak mulongram ato lah; nüsa hode kükheangkhi ato lah; I a sühakhimnü mide lah. Isa thsünü alala ching I khide asühdo.

FILIPI 1:14

tüsho I rihyam ching lakhinü keoniorü ahihdo Atungpuh kheak mulongramde kamshih, tüsho Atungpuh yu mulong tode mütrede thachoh.

1 TESALONIKA 4:18

Jumonü harü yubonü khülangnü khülang mulong shukheamachihang.

1 TESALONIKA 5:11

Jumonü nüsanü rhimode alakhi nangde khülangnü khülang tuthsukachihang tüsho shuhkihachihang.

IBRI 12:12

Jumonü nüsa bin keahkhikhi shuhkihang tüsho nüsa mukhung süh keakeakhi düküngshang.