2 KORINT 1:3 - AMÜSÜH HÜM CL Bible (BSI)

³ Isa Atungpuh Jisu Khrista Abuh tüsho Thrünpuh, mihmüthsümbo Abuh tüsho mulong shukheam alala Thrünpuh shiang,

2 KORINT 1:3 Iomraidhean Croise

THRÜNTAN 14:20

Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

1 KIUTHSÜYUKHEAN 29:10

Judüki amukhungrü alala mikinü Davidnü Atungpuh mung shi; Davidnü tha: “Nü shijihchoh, O Atungpuh , isa Israel jipürü Thrünpuh, lünnü akheam müla.

NEHEMIA 9:5

Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

JOB HU H T ANYU 1:21

Apinü tha, “I be nuyam chingnü I bünkeang arükheah, tüsho I bünkeang yülobah; Atungpuhnü jih, tüsho Atungpuhnü lude tsodo; Atungpuh mung müngühmühi thsüshang.”

MUNGSHIKHÜN 18:46

Atungpuh lah! I tsungdobuh shiang! I akhümkhit Thrünpuh shuhkihshang.

MUNGSHIKHÜN 68:35

O Thrünpuh, nü a nü amüsüh dangpungbo kheaknü alü atrebe ah. Israel Thrünpuh ju api mihtsürü kilim sühmüh tüsho wu jihbuh ah. Thrünpuh shiang!

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ISAIA 66:13

Berünü tsührü shukheamkhi nangde, inü nüsa shukheambah; Jirusalem ching nüsa mulong shukheambah.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

JOHAN 10:30

I tüsho I Buh khülang ah.”

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

2 KORINT 11:31

Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah.

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

FILIPI 2:11

tüsho Abuh Thrünpuh müretahpü Jisu Khrista ju Atungpuh de thiyutha alalanü alokhibah.

KOLOSI 1:3

Küyimki isanü nüsa thsungkheak tamkhüntamnübanü kamruhroro isa Atungpuh Jisu Khrista ki makshe jihchoh,

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

2 JOHAN 1:4

Abuhnü isa ki thiyukhüm jihkhi nangde, nü tsührü khürü thiyuro ching yande ngübah I khide asühdo.

2 JOHAN 1:9

Shepünü akhuhlimnü yücho tüsho Khrista kingaün-yakzan ching mülachonü Thrünpuh müla; shepünü kingaünyakzan ching lachonü Abuh tüsho atsührü chido lah.