2 KORINT 1:22 - AMÜSÜH HÜM CL Bible (BSI)

²² apinü isa kheak mütsanyüm yihkih tüsho mütsanmükhi thsüde isa mulong ching api Me jih.

2 KORINT 1:22 Iomraidhean Croise

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

JOHAN 3:33

Shepünü api yusheak leangkhichonü Thrünpuh ju thiyuro de junü adüngakhi thsüchoh.

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

ROMRÜ KILIM PAULNÜ ATHRÜTKHI KIHÜM HUHTANYU 4:11

Apinü tsütabahkhi ju api tsütamübahyichoki akin hode alakhi thiyuro-lungki amütsan yungsho mütsanyüm khülang nangde leangkhi. Jumonü api ju tsütamübahde akinrü alala abuh ah, junangde arü ki thiyurolungki khejihbah.

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

ROMRÜ KILIM PAULNÜ ATHRÜTKHI KIHÜM HUHTANYU 8:9

Atsütsü Thrünpuh Me nüsa kheak lasho, nüsa shih ching müla tüshe me ching lah. Shepü Khrista Me mülanü api yo yung.

2 KORINT 5:5

Shepünü isa thsungkheak harü tsanglungkhea, shepünü isa kilim mütsanmükhi thsüde Me jihkheanü, ju Thrünpuh ah.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 7:3

“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.”

AMIKHEAKAKHIUKKHI 9:4

alomi sangrung yungsho sangdung phüyak asürükhi thsümünimpü yung tüshe arü kingkangbo kheak Thrünpuh mütsanyüm mükihkhi mihtsürübo lang athsümünimpü arü ki tha.