2 KORINT 1:1 - AMÜSÜH HÜM CL Bible (BSI)

¹ Thrünpuhnü amulongkhi hode Jisu Khrista amüsüh-thsangyurü Paul, tüsho isa keoniorü Timothi kilimnü, Korint ching Thrünpuh borü, ju lung Akaia alala ching lakhi amüsührü alala kilim:

2 KORINT 1:1 Iomraidhean Croise

YUNIRÜBO RHIMO 16:1

Paulnü Derbe ching yü tüsho Khristanrü Timothi lapung Lystra ching arü. Abe ju Jihuda liberü akinrü tüsho abuh a Greekrü lakheah.

ROMRÜ KILIM PAULNÜ ATHRÜTKHI KIHÜM HUHTANYU 15:26

Tümütüsho Macedonia tüsho Akaiarünü Jirusalem ching amüsührü bolung zhochihrü thsungkheak asühde arung jihpü rhimo;

ROMRÜ KILIM PAULNÜ ATHRÜTKHI KIHÜM HUHTANYU 16:21

I lung rukhüh rhimorü Timothinü nüsa kilim salüm jihchoh; I keoniorübo Lucia, Jason tüsho Sosipaternü she ah.

ROMRÜ KILIM PAULNÜ ATHRÜTKHI KIHÜM HUHTANYU 16:5

arü yam ching mukhungrü borü ki she salüm jihang. Asia ching akhuh Khrista thsungkheak mulong müthrikhi inü muzhobuh Epaeneta ki salüm jihang.

1 KORINT 10:32

Jihudarü, Greekrü yungsho Thrünpuh borü sheshe jing dümükheshih–

1 KORINT 16:10

Küyimki Timothi arübanü, nüsa bolung api mütrede lashang, tümüde api ju I nangde Atungpuh rhimo thsüchoh.

1 KORINT 16:15

Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah;

1 KORINT 16:24

Jisu Khrista ching I muzho nüsa alala lung laang. Amen.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 1:19

Thrünpuh tsührü, Jisu Khrista dünkheak nüsa ki thsangyuthsangrarü Silvana le Timothi tüsho I a “Am” tüsho “Yung” de mülakheah; tüshe api lung kamruhroro “Am” de lah.

2 KORINT 1:23

Nüsa muzhokhinü I nüsa kilim Korint ching alode marü de I yumütsan thsüde inü Thrünpuh jichoh.

2 KORINT 11:10

Khrista thiyuro I kheak lale, I kükheangkhi Akaia lomi ching zhikde müla.

2 KORINT 9:2

tümüde nüsanü ahobe kamnü ründe Akaia ching thsakhama lakhi mükheahbah thade, nüsa dünkheak inü Macedonia mihtsürübo ki kükheangchoh; tüsho nüsanü akünsahkhinü arü ahihdo thurumusudo.

GALATIA 1:1

Amüsüh-thsangyurü Paul–mihtsürü kilimnü yungsho mihtsürü hode yung, tüshe Jisu Khrista tüsho api ashe chingnü arhang kamloshihkhi Abuh Thrünpuh hode–

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

EFISIA 1:1

Thrünpuh lümkhi hode Jisu Khrista amüsüh-thsangyurü Paul kilimnü, Jisu Khrista ching thiyuro lakhi amüsührü kilim:

FILIPI 1:1

Jisu Khrista yamlarü, Paul tüsho Timothi kilimnü, Filipi ching Jisu Khrista kheak kinrü, ju lung borü limberü tüsho tankihrübo kilim:

1 TESALONIKA 1:1

Paul, Sela, tüsho Timothi kilimnü, Abuh Thrünpuh tüsho Atungpuh Jisu Khrista ching Tesalonika borü kilim: Nüsa kilim amüthsüm tüsho mungtsü laang.

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

2 TESALONIKA 1:1

Paul, Sila, tüsho Timothi kilimnü, Isa Abuh Thrünpuh tüsho Atungpuh Jisu Khrista ching Tesalonika borü kilim:

1 TIMOTHI 1:1

Isa khümkhitbuh Thrünpuh tüsho isa mulonglam Jisu Khrista yukhüm hode Jisu Khrista amüsühthsangyurü Paul kilimnü,

2 TIMOTHI 1:1

Jisu Khrista ching lakhi alokhikhi rhangdung yande Thrünpuh lümkhi hode Jisu Khrista amüsüh-thsangyurü Paul kilimnü,

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

PHILEMON 1:1

I Paul, Jisu Khrista dünkheaknü aramrü, tüsho isa keoniorü Timothi kilimnü, Isa rukhüh rhimorü amuzho Philemon

IBRI 13:23

Isa keoniorü Timothi dükhedo de nüsanü mükheahshihnelah. Api nahde arü khiungsho, nüsa shorupü api bebah arübah.