2 KIUTHSÜYUKHEAN 9:9 - AMÜSÜH HÜM CL Bible (BSI)

⁹ Judüki alibenü kiulongthsüpuh kilim suna khahngak 4080, arhümthüneabe ahihdo, tüsho shotolungbo jih: Sheba kiulongthsübe nü kiulongthsüpuh Solomon kilim jihkhi arhümthüneabe nangde püpü mülade alakheah.

2 KIUTHSÜYUKHEAN 9:9 Iomraidhean Croise

THRÜNTAN 43:11

Tüsho arü abuh Israelnü arü ki tha, “Jude athsübeasho, hade thsang: Lomi chingnü akhiukkhi atsüdak sangaso khürü nüsa hahbo ching hanbah mihtsürübuh kilim thsambah thsüde yükiang–molike tüsho mukhuke anükhüh, rhümthüneabe tüsho jinjinlak, pista sangaso tüsho almondbo.

1 KIULONG THSÜRÜ 10:10

Judüki alibenü kiulongthsüpuh kilim suna khahngak 4000 akumung mungji aphuaphu ahihdo tüsho amo-achak lungbo jih; Sheba kiulongthsübenü kiulongthsüpuh Solomon kilim jihkhi mungji aphuaphu hadükhüh küyimkishe hande marüde alakheah.

1 KIULONG THSÜRÜ 9:14

Tüshe Hiramnü kiulongthsüpuh kilim suna khahngak 4000 akumung mühah.

2 KIUTHSÜYUKHEAN 9:1

Küyimki Sheba kiulongthsübenü Solomon mungthukhi sokhea, alibenü api rük tsühpü akeokhikhi amüküpbo, boto ato tüsho arhümthünea hankhi kemelbo, suna ahihdo tüsho shotolungbo lubah Jirusalem ching arü. Küyimki alibe Solomon ki arükhea, anihbe lümkhi ching lakhi alala api ki asukachih.

2 KIUTHSÜYUKHEAN 9:10

Kheaküshe Hiram yamlarübo tüsho Solomon yamlarübo sherünü Ophir chingnü suna hande arükheanü algum sang tüsho shotolungbo she hande arü.

2 KIUTHSÜYUKHEAN 9:24

Arü mihbüm abannü thsambah khülang, shotoyinchi tüsho suna, khimmih, thsühnukbo, arhümthüneabe, khorabo, khoranunu kam aban hihdakde hanbah arü.

2 KIUTHSÜYUKHEAN 9:8

Atungpuh nü Thrünpuh shiang, shepünü nü kheak asüh tüsho Atungpuh nü Thrünpuh thsungkheaknü api kiulongthsü-binkiu kheak kiulongthsürü thsüde binshih. Tümütüsho arü lünnü alashihpü nü Thrünpuhnü Israel muzho, apinü arü kurungkheak kiulongthsürü kamshih, junangde nünü mahkhappü tüsho thiyuro lungki rhimobah.”

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 72:15

Tüsho api alabah; Sheba suna api kilim jihbah; api kilim tamkhüntamnü she mutukzhakde athsübah, tüsho nimung aban api shijihbah.

ABEKHIT 30:34

Atungpuhnü Mosa ki tha, “Thüneathürabe–ano, onika, galbanun tüsho jinjinlak müthsün luang; jurübo adünkhi rukhüh lang alabah.