2 KIUTHSÜYUKHEAN 9:7 - AMÜSÜH HÜM CL Bible (BSI)

⁷ Nü mihtsürübo asühpü! Nü ki mutuklode alarü tüsho nü lümlung sorü nü yamlarübo asühpü!

2 KIUTHSÜYUKHEAN 9:7 Iomraidhean Croise

1 KIULONG THSÜRÜ 10:8

Nü niuberübo asühpü! Nü yamlarübo mutuklode nü ki arürübo tüsho nü lümlung sorü asühpü!

2 KIUTHSÜYUKHEAN 9:6

tüshe I arübah I müknü müngüyi khiungde thiyusheak ching inü mükin. Nü lümlung tokhi thripkhüh she I ki müthaa lah; inü asokhi yusheak kheak nünü zhihodo.

2 KIUTHSÜYUKHEAN 9:8

Atungpuh nü Thrünpuh shiang, shepünü nü kheak asüh tüsho Atungpuh nü Thrünpuh thsungkheaknü api kiulongthsü-binkiu kheak kiulongthsürü thsüde binshih. Tümütüsho arü lünnü alashihpü nü Thrünpuhnü Israel muzho, apinü arü kurungkheak kiulongthsürü kamshih, junangde nünü mahkhappü tüsho thiyuro lungki rhimobah.”

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MÜCHITMUDU 10:21

Thiyuro-lungkirü yubonü ahihdo kilim alü thsüshihchoh, tüshe makharü a lümlung mülakhinü shechoh.

MÜCHITMUDU 13:20

Shepü lümlung larü mihtsürü lung tsahchonü lümlung labah, tüshe makharü müyamrübo a athsümünimbah.

MÜCHITMUDU 3:14

tümüde ju chingnü alü thsükhi ju shotoyinchi chingnü alü thsükhi kheaknü atsübe, tüsho ha alü thsükhi ju suna kheaknü atsübe.

MÜCHITMUDU 3:3

Mihmüthsüm tüsho thiyuronü nü dübahyukshih; jurü nü hung mükamde rhükkihang, nü mulong kheak thrütkihang,

MÜCHITMUDU 8:34

Mihtsürü shepünü I ki anicho, I ripitbo kheak nimung aban kheahcho, I khimdopü dungjingbo kheak aleangchonü müngühmühi.

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

YUZÜNGTHALO 33:9

shepünü abuh tüsho abe ki, ‘Inü arü mümükheah’ de athakhea; apinü akhiung bahyuk tüsho atsührübo mümükheahde kam. Tümüde arünü nü yu ani tüsho nü ki tangzüngkhi zo.