2 KIUTHSÜYUKHEAN 9:4 - AMÜSÜH HÜM CL Bible (BSI)

⁴ api dükhüm kheak tsühyungbe, api yo atorü rhimopungbo, tüsho api yamlarü botobo, arü khimmih, api pung-jihrü tüsho arü khimmih, tüsho Atungpuh yam ching jihkhi taka kingaünkhibo ngükhea, anihbe sheak dükipabah.

2 KIUTHSÜYUKHEAN 9:4 Iomraidhean Croise

1 KIULONG THSÜRÜ 10:5

api dükhüm kheak tsühyungbe, api torü yambo, tüsho api yamlarübo arükhi, arü khimmih, api pung-jihrübo, tüsho apinü Atungpuh yam ching taka kingaünkhibo ngükhea, anihbe sheak mülade kam.

1 KIULONG THSÜRÜ 5:2

Solomonnü Hiram kilim thiyu yüshihde tha,

1 KIULONG THSÜRÜ 5:3

“Atungpuhnü api mühirü thiriribo api jinglung khüp müyüzahshihyi khiungde thirithsükhi hode I buh Davidnü Atungpuh api Thrünpuh mung thsungkheaknü thüyam khülang müthsükhukkhi nünü mükheahlah.

2 KIULONG THSÜRÜ 16:18

Kheaküshe Asiria kiulongthsüpuh thsungkheak, apinü amüsüh sadam arüngyam ching thsükhi yihkhit, tüsho apinü alungbe kiulongthsüpuh yüzah limro Atungpuh yam chingnü yihkhit.

1 KIUTHSÜYUKHEAN 9:18

aniakhiuklim kiulongthsüpuh ripit ching lakheah. Harü ha Levirü binpung ripit aheangrübo lakheah.

2 KIUTHSÜYUKHEAN 23:13

tüsho küyimki alibenü akheahkhea, kiulongthsüpuh ju ayüzahpung anihbuh dungjing ki zhip, tüsho wühkenorübo le hulipungpung khungrü kiulongthsüpuh rheang ki zhip, tüsho lomi mihtsürü alalanü asühachih tüsho hulipungpungbo müt, tüsho khün thsürübonü arü khün-khungbebo shuhbah münchi bede ngü. Athalianü anihbe khimmih thorüp, tüsho zhi, “Mülapmüjido! Mülapmüjido!”

2 KIUTHSÜYUKHEAN 9:3

Küyimki Sheba kiulongthsübenü Solomon lümlung, apinü athsükhi yam,

2 KIUTHSÜYUKHEAN 9:5

Jumonü alibenü kiulongthsüpuh ki tha, “Nü kukzamkhi tüsho nü lümlung dünkheak inü I lomi chingnü asokhi yusheak dükdü ah,

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

MUNGSHIKHÜN 119:81

Nü akhümkhit thsungkheak I me keaksahchoh, tüshe inü nü yu ching kinchoh.

MUNGSHIKHÜN 143:7

I ki niokheamde alojang, O Atungpuh ; I me dükheakchoh! nü miro I kheaknü düjik, jude yungsho I ju alokhün ching yüzahrü nangde alabah.

MÜCHITMUDU 9:5

“Arang, I yikhap tsühang tüsho inü arhukhi yukhu yungang.

KHÜNBOLUNGKHÜN 5:8

Inü thachoh, O Jirusalem tsührü liberübo, nüsanü I tsübuh ngüsho, I a muzhoachih tukthsülah de api ki thaang.

EZEKIEL 44:3

Kiulongthsüpuhnü lang Atungpuh miki tsühyungbe tsühpü yüzahpü kuklah; apinü chipiripit mükü limronü ayüzahbah tüsho ju limronü awukhiukbah.

EZEKIEL 46:2

Kiulongthsüpuhnü mükü limro ching aleanglimnü yüzahbah, tüsho ripit dung ki api zhipbah. Amükeamrübonü api yo taka kingaünkhi, mungtsü kingaün jihbah, tüsho apinü düküyukpung kheak khukningbah. Jushu api wukhiukbah, tüshe ripit ju arelim khiungde mürih.

DANIEL 10:17

Küde thsah I tungpuh yamlarünü I tungpuh ki asukkhukpü? Tümüde I ajanchoh, I kheak sühmüh müla, tüsho I kheak sheak müla.”

MATHI 6:29

Tüshe Solomonnü she api mungthu alala ching harü bolung khülang nangdü she muphuyu de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 12:37

Aputungrü arüde alachoki atünadode alakhi ngürü yamlarübo asühpü. Atsütsü inü nüsa ki thachoh, apinü nihbuh chim rümbah arübo yimtsühpü binshihbah, tüsho arübah arü ahiuhakhipbah.

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.