2 KIUTHSÜYUKHEAN 9:23 - AMÜSÜH HÜM CL Bible (BSI)

²³ Thrünpuhnü api lümkhi ching yukjihkhi lümlung anipü lomi kiulongthsürübo alalanü Solomon yimde arü.

2 KIUTHSÜYUKHEAN 9:23 Iomraidhean Croise

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

1 KIULONG THSÜRÜ 4:34

Solomon lümlung anipü thsüde trükshih alala chingnü mihtsürübo arü; api lümlung sobah lomi kiulongthsürübo alala chingnü arü.

2 KIUTHSÜYUKHEAN 9:22

Hanangde kiulongthsüpuh Solomon ju lakhit tüsho lümlung ching lomi kiulongthsürübo alala kheaknü ahokhi lakheah.

2 KIUTHSÜYUKHEAN 9:24

Arü mihbüm abannü thsambah khülang, shotoyinchi tüsho suna, khimmih, thsühnukbo, arhümthüneabe, khorabo, khoranunu kam aban hihdakde hanbah arü.

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.