2 KIUTHSÜYUKHEAN 9:10 - AMÜSÜH HÜM CL Bible (BSI)

¹⁰ Kheaküshe Hiram yamlarübo tüsho Solomon yamlarübo sherünü Ophir chingnü suna hande arükheanü algum sang tüsho shotolungbo she hande arü.

2 KIUTHSÜYUKHEAN 9:10 Iomraidhean Croise

1 KIULONG THSÜRÜ 10:11

(Kheaküshe, Hiramnü sangkungbo chingnü suna, almug sang ahihdo tüsho amo-achak lungbo Ophir chingnü hanbah arü.

1 KIULONG THSÜRÜ 10:22

Tümüde keto ching Hiram sangkungbo lung kiulongthsüpuh sangkungbo lakheah. Kam mahsam ching khülang ki Tarshish sangkungbonü suna, shotoyinchi, thsotorü, shihngü tüsho shuhyibo hanbah arü.

2 KIUTHSÜYUKHEAN 2:8

Kheaküshe I kilim cedar sang, saipress sang tüsho algum sangthulungbo Lebanon chingnü arüshang, tümüde nü yamlarübo Lebanon sangrhütpü ching ayeanzo ah de inü mükheahlah. I yamlarübonü nü yamlarübo lung rhimobah,

2 KIUTHSÜYUKHEAN 8:18

Hiramnü api yamlarübo, sangkungbo, tüsho kephungsorü, ayamlarübo kümde api yüshih. Arübo Solomon yamlarübo lung Ophir ching yü, tüsho ju chingnü suna khahngak 15,000 akumung lubah kiulongthsüpuh Solomon kilim arü.

2 KIUTHSÜYUKHEAN 9:11

Kiulongthsüpuhnü algum sangnü Atungpuh yam tüsho kiulongthsüpuh yam jing jungpung, bingkhung tüsho bingshangbo she khün thsürü thsungkheaknü thsü; müngühlim Juda lomi ching jurü nangde müngüakheah.

2 KIUTHSÜYUKHEAN 9:9

Judüki alibenü kiulongthsüpuh kilim suna khahngak 4080, arhümthüneabe ahihdo, tüsho shotolungbo jih: Sheba kiulongthsübe nü kiulongthsüpuh Solomon kilim jihkhi arhümthüneabe nangde püpü mülade alakheah.

MÜCHITMUDU 31:14

Alibe ju shothsümolorü sangkungbo nangde lah, alibenü limshu chingnü anihbe tsühyungbe hande arüchoh.