2 KIUTHSÜYUKHEAN 9:1 - AMÜSÜH HÜM CL Bible (BSI)

¹ Küyimki Sheba kiulongthsübenü Solomon mungthukhi sokhea, alibenü api rük tsühpü akeokhikhi amüküpbo, boto ato tüsho arhümthünea hankhi kemelbo, suna ahihdo tüsho shotolungbo lubah Jirusalem ching arü. Küyimki alibe Solomon ki arükhea, anihbe lümkhi ching lakhi alala api ki asukachih.

2 KIUTHSÜYUKHEAN 9:1 Iomraidhean Croise

THRÜNTAN 10:28

Obal, Abimael, Sheba,

THRÜNTAN 10:7

Kush tsührübo: Sheba, Havila, Sabta, Raama tüsho Sabteka. Raama tsührübo: Sheba tüsho Dedan.

THRÜNTAN 25:3

Jokshan ju Sheba tüsho Dedan abuh lakheah. Tüsho Dedan tsührübo ju Asshurim, Letushim, tüsho Leummim.

1 KIULONG THSÜRÜ 4:31

Api ju alala kheaknü lümlung larü lakheah, Ezrarü Ethan tüsho Mahol tsührübo Heman, Kalkol, tüsho Darda kheaknü lümlung la; api mungthukhi mühirü trükshih alala ching bude yü.

2 KIUTHSÜYUKHEAN 1:1

David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

2 KIUTHSÜYUKHEAN 1:12

lümlung tüsho mükheahmudu nü kilim jihbah. Kheaküshe inü nü kilim lakhit, alakukruk, wüntrepü nü müngüh tüsho nü dunglim kiulongthsürübo lakhi kheaknü alü jihbah.”

2 KIUTHSÜYUKHEAN 9:2

Alibenü akeokhikhi alala Solomonnü alokham; alibe ki müthakhukpü thsüde Solomon kheak tümü achak mülakheah.

2 KIUTHSÜYUKHEAN 9:9

Judüki alibenü kiulongthsüpuh kilim suna khahngak 4080, arhümthüneabe ahihdo, tüsho shotolungbo jih: Sheba kiulongthsübe nü kiulongthsüpuh Solomon kilim jihkhi arhümthüneabe nangde püpü mülade alakheah.

MUNGSHIKHÜN 142:2

Inü I atsangkhi api ki lude arüchoh; inü I küpkhuk api miki thachoh.

MUNGSHIKHÜN 49:4

Inü müchitmudu lim I nükhün anguhbah; bingshang khungde inü jurü amütsanbo thanakbah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 72:15

Tüsho api alabah; Sheba suna api kilim jihbah; api kilim tamkhüntamnü she mutukzhakde athsübah, tüsho nimung aban api shijihbah.

MUNGSHIKHÜN 78:2

Inü shihdanglimyu ching I mün khimshuhbah; inü adüso yo rama lakhi thabah,

MÜCHITMUDU 1:6

müchitmudu tüsho shihdanglimyubo, lümlung thakhibo tüsho lümlung müchitbo anikhitpü thsungkheak.

ISAIA 60:6

Mükhebinkhi kemelbonü nü lomi zündobah, Midia tüsho Epha kemel nunubo; Sheba ching yo alala arübah. Arünü suna tüsho jinjinlak handarübah, tüsho Atungpuh mung shikhi zhiyukjihbah.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 12:42

Sheba kiulongthsübenü ha lün lung mahkhap ching zhipbah tüsho amülim jihbah, tümüde alibenü Solomon lümlung anipü alomi akheambo chingnü arü; tüsho atsütsü Solomon kheaknü atobe ha kheak lah.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MATHI 13:35

junangde wukihrünü athakhi dünjipü lakheah: “Inü shihdanglimyubo ching I mün khimshuhbah; alomiküp khimtanchokinü rama lakhi inü athabah.”

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

LUKNÜ ATHRÜTKHI THIYUSHEAK-ATSÜ HUHTANYU 11:31

Düjinglim kiulongthsübenü ha lün kheak mahkhapkhi ching bahyukbah, tümüde alibenü Solomon lümlung anipü alomi akheambo chingnü arü; tüsho atsütsü Solomon kheaknü atobe ha ching lah.

1 SAMUEL 1:15

Tüshe Hannanü alo, “Yung, I tungpuh, I sükde küpkhukkhi liberü ah; inü yukhu yungsho müshangmurube tümü muyung, tüshe Atungpuh miki I küpkhuk thade tamkhüntamnüde alakheah.