2 KIUTHSÜYUKHEAN 7:9 - AMÜSÜH HÜM CL Bible (BSI)

⁹ Atizheah nipü arünü arüngako mukhung khülang la; tümüde arünü kingaün sadam müsükhitpü nimung thüne tüsho thünio nimung thüne mung.

2 KIUTHSÜYUKHEAN 7:9 Iomraidhean Croise

1 KIULONG THSÜRÜ 8:2

Israel mihtsürü alala khinu thüne, Zangrü khinu kheak thünio ching kiulongthsüpuh Solomon miki mukhung.

1 KIULONG THSÜRÜ 8:65

Junangde Solomonnü api lung Lebo-hamath kheaknü Ijip ayung khiungde boto ato tüsho Israel alala bebah Atungpuh isa Thrünpuh miki nimung thüne thünio mung.

2 KIUTHSÜYUKHEAN 30:23

Judüki amukhungrü alala rukhühnü thünio ju nimung thüne munglopü mulongkhit; jumonü arünü asühachihde kheaküshe nimung thüne mung.

2 KIUTHSÜYUKHEAN 7:10

Khinu thüne nimung mukukheak mahsam nipü, Atungpuhnü David tüsho Solomon le api mihtsürü Israel kheak atsü huhkhi hode apinü mihtsürübo asühachihde tüsho me atsü chingnü arü khimyam lim yüshih.

NEHEMIA 8:18

Thünio atan ninü akheam khiungde nimung aban apinü Thrünpuh yakzan hüm chingnü khe. Arünü nimung thüne arüng, tüsho yakzan ching lakhi yande nimung atizheah ni akheam arüng münchi mung.

ABEKHIT 29:37

Kingaün sadam thsungkheak nimung thüne dünthsükhiang tüsho ju müsühkhitang. Jushu kingaün sadam ju khide amüsüh labah, tüsho tümüpürü ju qiubanü amüsüh kambah.

JOEL 1:14

Khümkeak khülang lapü zhiyukang, amüsüh amukhung khülang lapü jiang. Azothsürübo tüsho lomi mihtsürü alala Atungpuh nüsa Thrünpuh yam ching mukhungang tüsho Atungpuh ki zhiang.

LEVI 23:36

Nimung thüne nüsanü Atungpuh kilim taka kingaünbah; atizheah nipü nüsanü amüsüh amukhung labah tüsho Atungpuh kilim taka kingaünbah; ha mülangrüpdo amukhungkhi lah tüsho nüsanü rhimo achak tümü she mürhimobeah.

WÜHKHE 7:10

Limberübonü kingaün sadam müdangke mujude müsühkhit nimung ju müsühkhitpü thsüde kingaünbo handarü; tüsho limberübonü arü kingaünbo sadam ki handarüjih.

YUZÜNGTHALO 16:8

Nimung thuruk nüsanü phaüm muyukkhi yikhap tsühbah tüsho athüne nipü nüsanü Atungpuh nüsa Thrünpuh kilim amüsüh amukhung labah. Nüsanü ju ni tümü dürhimo.