2 KIUTHSÜYUKHEAN 7:3 - AMÜSÜH HÜM CL Bible (BSI)

³ Küyimki mo tüsho Atungpuh müretah akikhi Israel mihtsürü alalanü angükhea, arünü jing tsahpung kheak arü miro alo lim mükhümde kingaün tüsho Atungpuh ki makshe jihde tha, “Tümütüsho api tsülah, tümütüsho api muzho lünnü lah.”

2 KIUTHSÜYUKHEAN 7:3 Iomraidhean Croise

1 KIULONG THSÜRÜ 18:39

Küyimki mihtsürü alalanü ju ngükhea, arü miro mükhümbah tha, “Atungpuh ju Thrünpuh ah; Atungpuh lang Thrünpuh ah.”

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

1 KIUTHSÜYUKHEAN 16:41

arü lung Heman tüsho Jeduthun, tüsho aningkhi Atungpuh kilim makshe jihshihpü mung jide mokhit, tümüde api muzho lünnü lah.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 20:18

Judüki Jehoshaphatnü amiro alo lim kheahde mükhüm, tüsho Judarü tüsho Jirusalem ching larü alala Atungpuh miki kingaünde mükhüm.

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

2 KIUTHSÜYUKHEAN 29:28

Amukhungrü athrünkhinü kingaün, khün thsürübonü khün thsü, tüsho hulipungpung mütrünü khung; ha alala taka kingaünkhi mübanyi khiungde mutukzhakde thsü.

2 KIUTHSÜYUKHEAN 29:29

Küyimki kingaünpü bankhea, kiulongthsüpuh tüsho api lung berü alalanü khukning tüsho kingaün.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

EZRA 3:11

Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 107:1

O, Atungpuh kilim makshe jiang, tümüde api tsülah! tümütüsho api amüthsüm lünnü rünkhiungde lah.

MUNGSHIKHÜN 118:1

O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah!

MUNGSHIKHÜN 95:6

O arang, isanü kingaünanü tüsho mükhümanü; isanü Atungpuh isa Thrünrü miki khukninganü.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

WÜHKHE 14:5

Mosa le Aron anenü Israelrü amukhungrü boto miki mükhüm.

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.