2 KIUTHSÜYUKHEAN 7:20 - AMÜSÜH HÜM CL Bible (BSI)

²⁰ jushu a inü nü kilim jihkhi lomi chingnü nü rukkhita bahbah; I mung thsungkheaknü inü amüsühkhitkhi ha yam I mikinü inü abahyukbah, tüsho ha mihtsürü alala bolung müchitmudu tüsho münedung khülang kamshihbah.

2 KIUTHSÜYUKHEAN 7:20 Iomraidhean Croise

1 KIULONG THSÜRÜ 14:15

“ Ke ching kiupung niukkhi nangde Atungpuhnü Israel shikbah; apinü arü jipürü kilim jihkhi lo atsü chingnü apinü Israel rukkhita bahbah, tüsho Euphra hode arü hiumüzütshihbah, tümütüsho arünü Atungpuh bukakhiukshihde amüsüh Ashera thsüdo.

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIULONG THSÜRÜ 17:20

Atungpuhnü Israel tsühsoniusobo alala bahyuk; apinü arü thsümüchi tüsho api mikinü yankhita mübahyi khiungde arü riri bukmükerü khah ching jih.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

MUNGSHIKHÜN 44:14

Nünü isa trükshihbo lung münedung kamshih; mihtsürübonü isa ki arü ku angamchoh.

MUNGSHIKHÜN 52:5

Junangde Thrünpuhnü lünnü nü thsümünimbah; apinü nü lude atsobah, tüsho nü lapung chingnü nü yihkhitbah, tüsho rhangdung lakhi lomi chingnü nü rukkhitbah.

JEREMIA 12:17

Tüshe trükshih khürünü manisho, inü shahde arukkhitbah, tüsho athsümünimbah, Atungpuhnü thachoh.

JEREMIA 16:13

Jumonü inü ha lomi chingnü nüsa yungsho nüsa jipürünü mümükheahkhi lomi ching jipkhita bahbah, tüsho ju ching nüsanü azhing tüsho ayin püpürü thrünpuhbo tankihbah, tümüde inü nüsa ki amuzho muhuh.

JEREMIA 18:7

Kim khülang ching trükshih yungsho kiulongthsü khülang dünkheak zükshaka bahpü tüsho kingkheampü tüsho thsümünimpü inü athapü lah,

JEREMIA 22:8

Tüsho trükshih ahihdonü ha kiuto hode atsahhobah, tüsho arü alalanü khülangnü khülang ki thabah, “Ha kiuto ato kheak tümüde Atungpuhnü ha ruk rhimokhea?”

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 31:28

Tüsho inü arü zükshakpü tüsho thokheampü, jipa bahpü, athsümünimpü, tüsho amütsü handarüpü kheahkhi nangde inü arü thsülopü tüsho ayangpü kheahbah, Atungpuhnü thachoh.

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 45:4

Nünü api ki ha thaang, “Atungpuhnü ha thachoh: Lomi alala ching inü tümü thsükheanü thokheambah, tüsho inü akhimkhi rukkhitbah.

EZEKIEL 7:24

Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah.

WÜHKHE 32:15

Tümüde nüsanü api dunglim müyande rholosho, kheaküshe apinü sunglo ching arü bahjihbah, tüsho nüsanü harü mihtsürü thsümünimjihbah.”

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.

YUZÜNGTHALO 29:28

Tüsho Atungpuhnü abukakhiukde arü rukkhita arü lomi chingnü püpürü lomi ching yüshih, tüsho khihni khiungde lah.’

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;